Adaldyq pen asqaqtyq rámizi

«Karmen-sıýıta» baleti J.Bı­zeniń áıgili operasynyń R.She­d­rın transkrıpsııasyndaǵy ho­reo­grafııalyq nusqasy. Sıýıtada bas keıipkerdiń turmysy ǵana emes, taǵdyry da kórkem sýret­tel­­gen. Qoıylymda Karmen beı­ne­si adaldyq pen asqaq mahab­bat­­tyń sımvolyna aınalǵan. Spek­­takldegi oqıǵa biregeı de­ko­­rasııa órbıdi: sahna keńis­ti­gi aǵashtan jartylaı dóń­ge­lek ispetti jasalǵan. Bir ja­ǵy­nan bul buqalarmen sa­ıy­sý orny bol­ǵanymen, ekin­shiden, meta­foralyq turǵyda ómir ala­ńyn kórsetkendeı áser bere­di. Keıip­ker­lerdiń basyndaǵy taǵ­dyr­dyń taý­qymeti osy alańda oryn aldy. «Karmen-sıýıta» – uly ba­le­rı­nanyń esimimen tyǵyz baı­la­nysty bolsa da, ol «Astana Balet» sahnasynda jańasha qyry­men kórindi.

«Alonso klassıkalyq bıdi orys ustazdarynan úırengen. Ke­ıin ol ulttyq bı qımyldaryn, latyn amerıkalyq, ıspandyq bı má­nerine tán erekshelikterdi qo­syp, óz horeografııasymen dara­­lanady. Spektakldi qaıta qoı­ǵanda osyǵan basa mán berý qa­jet. Bul balet erekshe tempe­ra­ment pen akterlik sheberlikti ta­lap etedi. «Karmen-sıýıta» úne­­mi erekshelenip turady, sebebi, árbir oryndaýshy ózi ıirimi men tyń dúnıelerin qosady. О́ıtkeni munda adamǵa tán sezim arpalystary, turmys-tirshilik, mahabbat, jaýyzdyq, opasyzdyq, náziktik, zulymdyq qana emes, oryndalmaı qalǵan armandar da sýretteledi. Osyny sezingen kórermen keıipkerlermen birge kúı keshedi dep oılaımyn», – deı­di qoıýshy-horeograf Tımofeı Lavrenıýk.

Qoıylymdaǵy ár partııa – ózin­­she dara. Basty partııany oryn­­­daǵan teatrdyń jetekshi so­l­ısi Aınur Ábilǵazına ár balerına úshin Karmen partııasy erekshe ekendigin aıtady.

«Onyń beınesi jarqyn ǵana emes oryndaý jaǵynan da júrekke jaqyn keledi. Qashanda kóńilinen shyǵatyn óz keıipkerińdi somdaý mańyzdy. О́zgelerdi qaıtalaýdyń qajeti shamaly ekenin túsinemin. Bastysy, keıipkerińniń basynan keshkenin tereń sezine bilý kerek. Bul balette úırenshikti klassıkaǵa uqsamaıtyn qımyl­dar bar, ol ıspan bıiniń element­terimen to­lysqan. Biz úshin bul tańsyq dú­nıe. Sonysymen de qy­zyqty», – deıdi ol.

Sondaı -aq spektakldegi basqa da basty partııalardy oryndaǵan Aıjan Muqatova, Súndet Sul­tanov, Ýeslı Karvalo, Baıqadam Túnǵatarov jáne Aıdan Qaljan sekildi talantty teatr ártisteriniń ónerine kórermender zor qoshemet kórsetti.