Eskertkish taqta qoıyldy

Is-sharanyń ashylýynda Astana qalasy máslıhatynyń hatshysy Erlan Kanalımov talantty aqynnyń ómiri men shyǵarmashylyǵyna toqtalyp, jyly iltıpatyn jetkizdi.

«Marfýǵa Bektemirova – qamshynyń sabyndaı qys­qa ǵumyr keshse de shyǵarma­shy­lyqta ónimdi eńbek etip, oıly, muńly óleńderimen qazaq poe­zııasynda óz qoltańbasyn qal­dyrdy. Halqymyzdyń «Jaq­synyń aty, ǵalymnyń ha­ty ólmeıdi» degen taǵy­lym­dy só­zin Marfýǵa apamyzǵa arnap aıtýǵa bolady. Aqynnyń artynda qalǵan ádebı murasy elimen birge jasaı beredi. Byl­­tyr elorda tórinen Alash arys­­taryna eskertkish ashylyp, óner men rýhanııatymyzǵa eń­begi sińgen birqatar tulǵa­myz­dyń esimine kóshe beril­di. Bul – bizdiń sanaly ómiri men qyz­­metin týǵan halqyna ar­naǵan qaıratkerlerge degen qur­me­timiz. Sonyń bir kórinisi retinde búgingi ótip otyrǵan is-sha­rany aıtamyn», dedi máslı­hat hatshysy.

Odan keıin sóz alǵan jazýshy, Memlekettik syılyqtyń laý­reaty Álibek Asqarov Mar­­fýǵa Bektemirovamen Ál-Fa­rabı atyndaǵy Qazaq ult­tyq ýnı­versıtetinde birge oqy­ǵan jyl­darynan estelik aıta ke­lip: «Bir jyldary «Aýdar­­ma» baspasyn ashyp, shet­el aqyn-jazýshylarynyń shy­ǵar­­­malaryn aýdaryp, shy­­ǵara bastadyq. Marfýǵa orys­tyń ataq­ty aqyny Anna Ahma­tovanyń óleńderin jaqsy kó­redi eken. Tipti jyrlaryn jat­qa oqıdy. Sóıtip, ol Ahma­tovanyń týyndylaryn qazaq­shaǵa móldiretip aýdardy. Mar­fýǵany qazaqtyń daryndy aqyn qyzdarynyń biri dep bile­min. Aqynnyń máńgige jal­ǵas­qan ómiri osylaı bas­talady», dep parasatty oı qorytty qa­lam­ger.

Sondaı-aq is-sharada «Amanat» partııasy Astana qalalyq fılıalynyń atqa­rýshy hatshysy Berik Jake­nov, Oqý-aǵartý vıse-mı­nıs­tri Ǵanı Beısembaev, Aq­mo­la oblystyq Mádenıet, arhıv jáne qujat­tamalar bas­qar­ma­synyń bas­shysy Aıgúl Sá­bıtova, Jazýshylar odaǵy As­tana qalalyq fılıa­lynyń tór­aǵasy Dáýletkereı Kápuly sóz sóılep, aqyn Erbol Beıil­han arnaý óleńin oqydy.