Bul týraly Memleket basshysy memlekettik nagradalar men syılyqtar tapsyrýǵa arnalǵan saltanatty rásimde aıtty, dep habarlaıdy Egemen.kz.
«Egemendik deklarasııasyn halyqtyń jan-jaqty jáne uzaq jylǵy kúresiniń nátıjesi deýge bolady. Árıne, mundaı qadamǵa barý ońaı bolǵan joq. Elimizdiń sol kezdegi saıası-áleýmettik jáne demografııalyq ahýaly turǵysynan qarasaq, bul óte batyl áreket bolatyn.
Egemendik deklarasııasy – táýekel men dıplomatııanyń, aqyl men sabyrdyń jemisi. Osy tarıhı qujattyń áseri kóp uzamaı baıqala bastady. Biz qoǵamnyń irgetasyn jańartyp, jańa belesterge umtyldyq. Qazaqstan qıyn ótkelden ótip, irgeli el bolýǵa baǵyt ustady», dedi Q.Toqaev.