Qyrǵyzstannan Qazaqstanǵa shekarany zańsyz kesip ótken tórt sheteldik azamat ustaldy, dep habarlaıdy Egemen.kz Ulttyq qaýipsizdik komıtetiniń (UQK) baspasóz qyzmetine silteme jasap.
«22 qazanda «Jasórken» shekara basqarmasynyń ýchaskesinde UQK Shekara qyzmeti departamentiniń áskerı qyzmetkerleri men Jambyl oblysy boıynsha UQK departamentiniń qyzmetkerleri birlesken jedel-izdestirý is-sharalarynyń nátıjesinde Qyrǵyz Respýblıkasynan Qazaqstan Respýblıkasyna deıingi memlekettik shekara erejelerin buzǵan tórt sheteldik azamatty ustady», delingen habarlamada.
UQK habarlaǵandaı, atalǵan fakti boıynsha quzyrly organdar jedel-tergeý amaldaryn júrgizip jatyr.