Jastarǵa senim zor

Astana qalasy máslı­hatynyń depýtaty, endohırýrgııa klınıkasynyń basshysy Saltanat Janalaeva el bolashaǵy jastardyń qolynda ekenin atap ótti. «Qaı zamanda bolsyn, jastar qaýymy reformalardy júzege asyrý isiniń negizgi qozǵaýshy kúshi boldy. Sebebi jastardyń boıynda jańa oı, jańa kózqaras, jańa maqsat pen umtylys bar. Biz ózgerister dáýirinde ómir súrip jatyrmyz. Erteńgi el taǵdyry – búgingi jastardyń qolynda», dedi depýtat.

О́z kezeginde, Astana qalasy máslıhatynyń depýtaty, №6 emhananyń bas dárigeri Dınara Baıserkına jastar qaýymyn daýys berý kúni azamattyq ustanym tanytýǵa shaqyrdy. «Damýdyń barlyq strategııalyq jospary, ja­handyq barlyq máseleni sheshý mindeti – jastar qaýymynyń ıyǵyna artylǵan júk. Olardyń izdenýge, je­tilýge, damýǵa mol múmkindigi bar. Elimiz jastardyń damýy­na bar jaǵdaıdy jasaı­dy. Jastarymyz kezekten tys prezıdent saılaýyna belsendi qatysatynyna tolyq senimdimin», dedi ol.

Kezdesý sońynda dıalog alańynyń moderatory, Ha­lyqtyq koalısııa belsendisi Arslanbek Maǵzum aldaǵy saılaý týraly óz pikirin bildirdi.

«Bárimiz bir shańyraq astynda – ortaq úıimiz Qazaq­standa ómir súrip jatyrmyz. Memleketimizdiń ıgiligi úshin jan aıamaı eńbek etemiz. Sondyqtan 20 qarashada ár jas azamat óziniń saılaý ýchaskesine keledi dep úmittenemin. Sebebi bul kúni biz kandıdatqa daýys berip qana qoımaı, el taǵdyryn sheshemiz. Eldiń bolashaǵyn oılaǵan árbir jas bul saılaýǵa qatysyp, óz kandıdatyna daýys berýi kerek. Elimizdiń damýyna óz úlesin qosý ár jastyń basty maqsaty, saıası qundylyǵy bolý kerek dep oılaımyn. Eń mańyzdysy – turaqtylyqty saqtaýda, tarıhı qunydylyqtardy nasıhattaýda, demokratııalyq prınsıpterdi qalyptastyrýda jastar aldyńǵy qatarda bolý kerek dep esepteımin. Bul saılaý jastardyń belsene qatysyp, óz bolashaqtaryna nyq qadam jasaýyna zor múmkindik», dep túıindedi ol.