ASTANA. 27 mamyr. Pavlodar oblysy kásiporyndarynda joǵary bilikti mamandar tapshy. Osy olqylyqty Reseı men Belarýs elderinen mamandar tartý arqyly joıýǵa múmkindik bar. Ortalyq kommýnıkasııalar qyzmetinde ótken brıfıngte Pavlodar oblysy ákiminiń birinshi orynbasary Dúısenbaı Turǵanov osylaı dedi. Bul týraly primeminister.kz habarlady.
D.Turǵanov: «Keden odaǵy qurylǵanǵa deıin oblysymyzdaǵy 8 kásiporyn Reseıden joǵary bilikti mamandar tartqan bolatyn. Búginde bul kórshi eldiń mamandaryna júginip otyrǵan kásiporyndardyń sany 16-ǵa jetti», – dedi.
Sondaı-aq, ol óńirde ındýstrıalandyrý kartasy boıynsha jańa hımııalyq, munaı-hımııalyq, farmasevtıkalyq, metallýrgııalyq, mashına jasaý kásiporyndary salynýda, alaıda, búginde osyǵan baılanysty bilikti mamandar jetispeýshiligi baıqalyp otyrǵanyn atap ótti.
Joldybaı Bazar.
Derekkóz: primeminister.kz.
Foto: primeminister.kz.