ASTANA. 27 mamyr. Eýrazııa ekonomıkalyq odaq týraly kelisimge qol qoıylýy tarıhı oqıǵa. Parlament Senaty men Reseı Federaldyq Jınalysy Federasııa Keńesi Parlamenttik yntymaqtastyq komıssııasynyń besinshi otyrysynda Senat tóraǵasy Qasym-Jomart Toqaev osylaı dedi. Bul týraly «QazAqparat» habarlady.
Qasym-Jomart Toqaevtyń aıtýynsha, bir birimen yntymaqtasa ómir súrgisi keletin úsh memleket halyqtarynyń muqtajyna tolyqtaı jaýap beretin ekonomıkalyq odaqtyń qurylýy óte mańyzdy.
Jıynda Senat tóraǵasy: «Ekonomıkalyq yqpaldastyqty damytý odaqtyń barlyq qatysýshylaryna yńǵaıly», – dedi.
Sondaı-aq, ol: «Búginde álemde qyzmet etip jatqan 200 yqpaldastyq birlestikter arasynda Eýrazııalyq ekonomıkalyq odaq ózin meılinshe tıimdi jáne tabysty etip kórsetetinine tolyq negiz bar. Biraq, ol úshin qajyrly qyzmet etýge týra keledi», – dedi.
Kezdesýde Senat tóraǵasy Uly Otan soǵysyndaǵy Jeńistiń 70 jyldyǵyn merekeleýge birlese ázirlik jasaýǵa Qazaqstan jáne Reseı senatorlarynyń nazaryn aýdardy.
Joldybaı Bazar.
Derekkóz: «QazAqparat».
Foto: egemen.kz.