ASTANA. 27 mamyr. Qazirgi tańda Eýrazııalyq ekonomıkalyq odaǵyn qurý jańa tehnologııalar men ınnovasııa zamanynyń talabynan týyndap otyrǵan qajettilik bolyp otyr. Bul týraly TMD Ekonomıkalyq damý iskerler ortalyǵynyń bas dırektory Vladımır Savchenko BNews.kz tilshisine bergen suhbatynda áńgimeledi.
«Eýrazııalyq ekonomıkalyq odaq – búgingi kúni eń aldymen óndiris pen tehnologııa úshin basty qajettilik. Iаǵnı – halyqty jumyspen qamtý úshin, taýar men qyzmetterdi taratý úshin, kedergilerdi eńserý úshin, halyqtyń ómir súrý sapasyn arttyrý úshin asa mańyzdy», - dedi Savchenko.
Sarapshynyń oıynsha, Qazaqstannyń múddesin oılaǵan Ult Kóshbasshysy N.Nazarbaev ta muny jaqsy biledi. «Bul jaıynda ol budan 20 jyl buryn aıtqan bolatyn. Ol tehnologııalyq ózgeristerge ushyrǵan Eýropanyń jáne adamı kapıtaldy alǵa qoıatyn Azııanyń damý parametrlerin jaqsy ańǵardy. N.Nazarbaev aqylǵa salyp, munyń bárin bir arnaǵa toǵystyryp otyr. Búginde, árıne, Qazaqstannyń óz problemalary bar, soǵan qaramastan tehnologııalyq turǵyda óte qarqyndy damýda. Jalpy ishki ónim jeti esege artqan. Jáne búginde álemdik naryqqa jol tartqan birqatar óndiristeri men taýarlary bar. Aýyl sharýashylyǵy damyp, tek óndiris qana óspeı, gaz ben munaıǵa servıstik qyzmet kórsetý deńgeıi de artyp otyr. Azııanyń onyń taýarlarymen, onyń qýaty jáne adamı kapıtalymen, Eýropamen birlesýi jan-jaqty damyp, alǵa umtylýǵa qolaıly jaǵdaı jasaıdy», - dedi ol budan ári.
Qazir qoldanystaǵy álemdik halyqaralyq saýda jáne ekonomıkalyq uıymdarmen salystyrǵanda, úsh el quryp otyrǵan EAEO-nyń shoqtyǵy bıik, dep esepteıdi V.Savchenko.
Eske sala keteıik, ústimizdegi jylǵy 29 mamyrda Astanada Eýrazııalyq ekonomıkalyq odaq qurý týraly shartqa qol qoıylady dep kútilýde. Uıym óziniń jumysyn resmı túrde 2015 jyldyń 1 qańtarynan bastaıdy.
Murat Aıtqoja.
Derekkóz: Primeminister.kz.
Foto: eurobelarus.info.