ASTANA. 27 mamyr. Qazaqstan, Reseı jáne Belarýs elderi arasyndaǵy Eýrazııalyq odaq taza ekonomıkalyq sıpatta ornyǵady. Bul týraly Qazaqstan Syrtqy ister mınıstrligi basshysynyń orynbasary Samat Ordabaevtyń sózine silteme jasaǵan RBK habarlady.
«Biz kelisimsharttyń saıasattanýynan bas tarttyq, deme, odaqtyń dińgegi taza ekonomıkalyq sıpatta bolady. Qazaqstan jaǵynyń tabandy pozısııasynyń arqasynda kelisimsharttan jalpy azamattyq, syrtqy saıasat, parlamentaralyq yntymaqtastyq, pasport-vıza salasy, jalpy shekara kúzeti, eksportty baqylaý sekildi máseleler alynyp tastaldy», - dep málimdedi Qazaqstan Syrtqy ister mınıstrliginiń ókili.
«Odaq qurý oǵan qatysýshy elderdi qazirgiden de joǵary ıntegrasııalyq deńgeıge kóteredi. Úsh memleket taýarlardyń, qyzmet túrleriniń, kapıtal men jumys kúshteriniń erkin qozǵalýyna, ekonomıkanyń jetekshi salalary – energetıkada, ónerkásipte, aýyl sharýashylyǵynda, kólik júıesinde ózara úılesken saıasat júrgizýge kepildik mindettemesin qabyldaıdy», - delingen Reseı Prezıdenti ákimshiliginiń habarlamasynda.
Kremldegiler Odaqtyń qurylýy endi 170 mln. adamdyq iri ortaq rynok aýmaǵynyń «ekonomıkalyq damýdyń jańa qýatty ortalyǵyna» aınalatynyn aıtyp otyr.
Sondaı-aq Astanada ótetin kezdesýde Eýrazııalyq ekonomıkalyq odaq sheńberiniń aıasy keńeıe túsýi, oǵan Armenııanyń kirýi, al keıingi bolashaqta Qyrǵyzstannyń da qosylýy múmkin ekeni kútilýde.
Murat Aıtqoja.
Derekkóz: RBK.
Foto: www.vestifinance.ru.