Eńbek jáne halyqty áleýmettik qorǵaý mınıstrligi halyqty jumyspen qamtýǵa járdemdesý máseleleri boıynsha buıryqqa túzetýler daıyndady, dep habarlaıdy Egemen.kz.
Atap aıtqanda, 50 jastan asqan jumyssyz qazaqstandyqtardyń jalaqysyn sýbsıdııalaı otyryp, olardy jumysqa ornalastyrý úshin jumys oryndaryn uıymdastyrý kózdeledi:
múgedektigi bar adamdarǵa arnalǵan jeke kómekshiniń; áleýmettik jumys jónindegi keńesshi, kútim jónindegi áleýmettik qyzmetker.Eńbek mınıstrliginde atap ótilgendeı, sońǵy jyldary 50-64 jas aralyǵyndaǵy jumyssyzdar sany artyp keledi. Osy jastaǵy jumyssyzdyqtyń negizgi sebepteriniń biri - jumys berýshilerdiń egde jastaǵy jumysshylardy jaldaýǵa qulyqsyzdyǵy.
«Osyǵan baılanysty «50 jastan asqan» qatysý jasyn belgileý, sondaı-aq jeke kómekshi jáne áleýmettik qyzmetker mamandyqtary boıynsha osy jumys oryndaryn uıymdastyrý usynylady», delingen túsindirmede.
Sonymen qatar «Kúmis jas» jobasyna qatysý merzimin 12 aıdan 36 aıǵa deıin ulǵaıtý usynylady.
«Kúmis jas» jobasy sheńberinde jumysqa ornalastyrylǵan adamdar úshin salyqtardy, mindetti áleýmettik aýdarymdardy, paıdalanylmaǵan eńbek demalysy úshin ótemaqylardy jáne bank qyzmetterin eskere otyryp, ekologııalyq ústemeaqylar boıynsha tólemderdi esepke almaǵanda, sýbsıdııalardyń aı saıynǵy mólsheri:
qatysýdyń alǵashqy 12 aıy - jalaqy mólsheriniń 70%, biraq 30 AEK (91 890 teńge) aspaıdy; qatysýdyń 13-shi aıynan 24-shi aıyna deıin - jalaqy mólsheriniń 65%, biraq 30 AEK-ten aspaıdy; 25-shi aıdan 36-shy aıǵa deıin - jalaqy mólsheriniń 60%, biraq 30 AEK-ten aspaıdy.«Kúmis jas» jobasyna qatysý merzimi aıaqtalǵannan keıin zeınetkerlik jasqa tolmaǵan qazaqstandyqtar keminde bir jyl merzimge turaqty jumys ornyna ornalastyrylady dep kózdeledi.
Bul rette aıyna jalaqy mólsheri salyqtardy, mindetti áleýmettik aýdarymdardy, paıdalanylmaǵan eńbek demalysy úshin ótemaqylardy jáne ekologııalyq ústemeaqylar boıynsha tólemderdi esepke almaǵanda bank qyzmetterin eskere otyryp, eń tómengi jalaqy mólsherinen kem bolmaýǵa tıis.
Eńbek mınıstrliginiń málimetinshe, 2023 jyly AEK-ti qoldana otyryp, jalaqyny esepteý 20*3450 teńgeni = 69 000 teńgeni quraıdy, bul 70 000 teńgemen bekitilgen 1 ETJ-den tómen.
Qujat 17 qarashaǵa deıin ashyq talqylaý úshin Ashyq NQA saıtynda ornalastyrylǵan.