Prezıdenttikke kandıdat Saltanat Tursynbekova Almaty qalasynda zııatkerlik menshikti qorǵaý máseleleri boıynsha keńes ótkizdi.
«Álemdegi jaǵdaı kún saıyn ózgerýde. Qoǵamnyń órkendeýiniń eń úlken qundylyǵyn qazir tabıǵı resýrstar, munaı men gaz ken oryndary jasamaıdy. Eń kóp nátıjeni bilim ekonomıkasy beredi: jańa tehnologııalar, noý-haý, zııatkerlik menshik jáne taǵy basqalary», dedi kandıdat.
Álem baıaý, biraq senimdi túrde zııatkerlik menshikti qorǵaý júıesin, erejeleri men ınstıtýttaryn qurýda. Biraq bul úrdis áli Qazaqstanǵa jetken joq. «Qazaqstanda zııatkerlik menshikti qorǵaý is júzinde jumys istemeıdi. Adamdar bárine qol suǵýǵa kóshken. Ásirese áleýmettik jelide jarııalanǵan nárseler. Fotosýretter, mátinder, fılmder, mýzyka men kitaptardyń aınalasynda quqyq buzýshylyq kóp. AQSh-ta nemese Eýropada aǵyndyq platformalar úshin tólem jasamaıynsha nemese fılm bıletin satyp alýǵa barmaıynsha, mýzyka tyńdaý nemese fılm kórý múmkin emes. Qazaqstanda kontent úshin aqsha tóleý uıat dep esepteledi. Quqyq qorǵaý úshin sotqa júginý mádenıeti joq. Máselen, mıkrotolqyndy pesh urlaǵany úshin adam túrmege tússe, óner týyndysyn urlaǵany úshin jazadan qutyla alady. Sondyqtan bir nárseni urlaý – uıat, al aqyl-oı eńbeginiń ónimin suramaı-aq tartyp alý qalypty jaǵdaı bolyp ketken», dedi S.Tursynbekova. Jıynǵa qatysýshylardyń deni avtorlyq quqyqty qorǵaýǵa arnalǵan zań áli de shıki jáne problemaly ekenin aıtty.