ASTANA. 28 mamyr. Qazaqstan Prezıdenti Nursultan Nazarbaev ekonomıkalyq qyzyǵýshylyqqa negizdelgen tıimdi de qýatty ınstıtýt – Eýrazııalyq ekonomıkalyq odaq qurýdy usyndy. Bul týraly keshe Astana-Máskeý-Erevan-Kıev-Kıshınev arasyndaǵy «TMD Sammıti: Dostastyq kúniniń ózekti kún tártibi» atty vıdeokópir barysynda saıasatker Bolat Baıqadamov málimdedi.
BNews.kz tilshisiniń habarlaýynsha, bul keshegi keńestik kezeńnen qalǵan keńistiktegi birinshi birlestik bolyp tabylady. «TMD – postkeńestik alańdaǵy alǵashqy birlestik. Oǵan úlken úmit artylǵanyn bilemiz, keıbir úmitter aqtalmady da. Sondyqtan da 1994 jyly elimizdiń Prezıdenti TMD konstrýksııasynyń álsizdigin kórip, ekonomıkalyq qyzyǵýshylyqqa negizdelgen tıimdi, qýatty ınstıtýt – Eýrazııalyq ekonomıkalyq odaq qurýdy usyndy», - dedi B.Baıqadamov osy oraıda.
«Ekonomıkalyq jáne ózge sáıkestendirý negizinsiz seriktestik qarym-qatynas ornatý, biryńǵaı ekonomıkalyq saıasatty jáne syrtqy faktorlarǵa qatysty kelisilgen pozısııany qoldaý óte qıyn. Sondyqtan TMD elderi odaq qurýǵa belsendi jáne beıimdelgen. Reseı, Qazaqstan, Belarýs syndy memleketter Eýrazııalyq ekonomıkalyq odaq dep atalatyn ekonomıkalyq konstrýksııa qurýdy qolǵa aldy», - dedi saıasatker.
Murat Aıtqoja.
Derekkóz: BNews.kz.
Foto: eurasion_union.