Májilis «Qazaqstan Respýblıkasynyń keıbir zańnamalyq aktilerine jaıylymdardy paıdalaný máseleleri boıynsha ózgerister men tolyqtyrýlar engizý týraly» zań jobasyn jumysqa aldy, dep habarlaıdy Egemen.kz.
Depýtattar «Qazaqstan Respýblıkasynyń keıbir zańnamalyq aktilerine jaıylymdardy paıdalaný máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasyn ázirledi.
«Zań jobasynda jer jáne orman kodeksterine, «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» jáne «Jaıylymdar týraly» Zańdarǵa ózgerister men tolyqtyrýlar engizý kózdeledi. Zań jobasynyń maqsaty - jaıylymdardy basqarý jáne paıdalaný salasyndaǵy qoldanystaǵy zańnamany jetildirý», dedi májilismen Berik Ospanov palatanyń jalpy otyrysy barysynda.
Atap aıtqanda, zań jobasynda jaıylymdardy paıdalanbaǵany úshin sharalar qatańdatylady, halyqtyń muqtajyn qanaǵattandyrýǵa arnalǵan jaıylymdardy aýyl sharýashylyǵy alqaptarynyń basqa túrlerine aýystyrýǵa tyıym salynady, jaıylymdardy basqarý jáne paıdalaný jónindegi jospardyń mazmuny men qoldanylý merzimderi ózgeredi, ýákiletti organdardyń quzyretteri naqtylanady, shalǵaıdaǵy jaıylymdardy sýlandyrýǵa jáne jaıylymdardy sýarýǵa arnalǵan shyǵyndardy sýbsıdııalaý arqyly jaıylymdy paıdalanýshylardy memlekettik qoldaý jónindegi normalar kózdeledi.