ASTANA. 28 mamyr. Eýrazııalyq ekonomıkalyq odaqtyń basty qujaty qatysýshy memleketterdiń ekonomıkalyq qyzmetin teń quqyly jaǵdaıda júrgizýdi qamtamasyz etedi. Ekonomıka jáne bıýdjetti josparlaý mınıstrligi Salyq jáne kedendik saıasat departamenti kedendik saıasat basqarmasynyń basshysy Erjan Jambylov buqaralyq aqparat quraldaryna bergen suhbatynda osylaı dedi. Bul týraly Bnews.kz habarlady.
Erjan Jambylov: «Odaqty qurý týraly kelisim-shart pen odaq aıasyndaǵy halyqaralyq kelisim-sharttar taýarlar men qyzmetterdiń, kapıtal jáne jumys kúshteriniń erkin qozǵalysyn qamtamasyz etedi», – dedi.
Eýrazııalyq ekonomıkalyq odaqqa múshe memleketterdiń aýmaǵynda ortaq quqyqtyq jaǵdaıda ekonomıkalyq qyzmetti júrgizýge múmkin bolatyny kelisim-shartta kórsetiledi.
Atap aıtqanda, Eýrazııalyq ekonomıkalyq odaq qurý týraly kelisim-shart jobasyna sáıkes, atalǵan odaqtyń Kedendik kodeksi, kedendik qarym-qatynastardy retteıtin halyqaralyq kelisimsharttar men aktilerge, sondaı-aq, qazirgi sharttyń erejelerine sáıkes biryńǵaı kedendik retteý júzege asyrylady dep kútilýde.
Osy jumystar boıynsha Kedendik kodeksti ázirleýge daıyndyq júrgizilip jatyr.
Joldybaı Bazar.
Derekkóz: Bnews.kz.
Foto: elarna.kz.