Qytaıdyń úsh iri megapolısi – Gýanchjoý, Chýnsın jáne Beıjińde koronavırýstyń jańa tolqyny paıda boldy, dep habarlaıdy Egemen.kz.
QHR Densaýlyq saqtaý jáne gıgıena máseleleri jónindegi memlekettik komıtetiniń derekterine sáıkes, ótken táýlikte Qytaıda koronavırýs juqtyrýdyń 9 myńnan astam jańa jaǵdaıy tirkeldi. Onyń ishinde Gýanchjoýda - 2,5 myńnan astam adam, Chýnsınde – 750-den astam adam, Beıjińde - 100-ge jýyq adam qaýipti vırýs juqtyrǵan.
Vedomstvonyń málimetinshe, 9 myńnan astam adamnyń 85%-ynda aýrý belgileri anyqtalmaǵan.
Sońǵy kúnderi Beıjińde ınfeksııa juqtyrý derekteriniń óskeni baıqaldy. Qytaı astanasynda ınfeksııa qaýpi joǵary 200-ge jýyq turǵyn úı bar.
Aıta ketsek, osy jyldyń tamyz aıynan bastap Shyńjań - Uıǵyr avtonomııalyq aýdanynda kúrdeli epıdemıologııalyq jaǵdaı baıqalady. О́tken táýlikte Shyńjańda COVID-19 ınfeksııasynyń 700-ge jýyq jaǵdaıy anyqtaldy. Jaǵdaılardyń basym kópshiligi Úrimshi qalasyna tıesili.