Túrki memleketteri uıymynyń róli artyp keledi. Bul týraly Memleket basshysy Túrki memleketteri uıymy sammıtinde sóıleıtin sózinde aıtty, dep habarlaıdy Egemen.kz.
«Búginde Túrki memleketteri uıymynyń halyqaralyq róli artyp keledi. Biz Túrki áleminiń atajurty retinde ózderińizben jan-jaqty qarym-qatynasty damytýǵa aıryqsha mán beremiz. Sondyqtan, yqpaldastyǵymyzdy odan ári nyǵaıtýǵa jáne ony jańa beleske kóterýge múddelimiz», dedi Prezıdent.
Memleket basshysy sondaı-aq Túrki yntymaqtastyǵy uıymdarynyń kópshiligine Qazaqstan bastamashy bolǵanyn atap ótti.
«Túrki yntymaqtastyǵyna uıytqy bolǵan uıymdardyń tarıhyn zerdelesek, olardyń kópshiligine Qazaqstan bastamashy bolǵanyn kóremiz. TÚRKSOI, TúrkPA jáne Túrki Akademııasy – sonyń aıqyn dáleli. Bul uıymdar baýyrlas elderdiń mádenı-rýhanı jaqyndasýyna ólsheýsiz úles qosyp otyr», dedi Q.Toqaev.