Soltústik Qazaqstanda sońǵy eki táýlik ishinde 11 mas júrgizýshi ustaldy, dep habarlaıdy Egemen.kz.
Eki kún ishinde soltústikqazaqstandyq polıseıler úılerdi, saıajaılardy jáne qaraýsyz qalǵan ǵımarattardy aınalymnan ótkizdi. Nátıjesinde myńǵa jýyq túrli ákimshilik quqyq buzýshylyq anyqtaldy. Olardyń kóbisi tirkeýsiz nemese jeke basyn kýálandyratyn qujattyń bolmaýyna baılanysty.
Qoǵamdyq oryndarda alkogoldik ishimdik ishý jáne mas kúıde júrýdiń 199 faktisi anyqtaldy. Usaq buzaqylyqtyń 88 faktisi tirkeldi. Jol qaýipsizdigin qamtamasyz etý bóliginde is-shara barysynda quqyq buzýshylyqtardyń basym bóligi jaıaý júrginshiler tarapynan anyqtaldy.
Eki kúnde 180 zańbuzýshylyq tirkeldi. Jyldamdyqty shekten asyrýdyń 58 faktisi anyqtaldy. Tek sońǵy táýlikte oblys joldarynda 5, jalpy eki táýlikte 11 mas júrgizýshi ustaldy.
«Kólik tártibiniń saqtalýyna baqylaý kúsheıtiledi. Oblysta aýa raıy maýsymaralyq kezeńge baılanysty nasharlaıdy. Júrgizýshiler men jaıaý júrginshilerden barlyq erejelerdi barynsha qatań saqtaýdy suraımyz», dedi SQO PD Jergilikti polısııa qyzmeti basqarmasynyń basshysy Aıdyn Baımatov.