Dál osy kúni DDU IýNISEF-pen birlesip pnevmonııanyń aldyn alý jáne oǵan qarsy kúres jónindegi jahandyq is-qımyl josparyn jarııalaǵan, dep habarlaıdy Egemen.kz.
Pnevmonııa dúnıe júzinde eresekter men balalar ólimine jıi sebep bolady. Álem boıynsha 2019 jyly 2,5 mıllıon adam, onyń ishinde 672 000 bala pnevmonııadan qaıtys bolǵan. Qazaqstanda pnevmonııadan bolatyn aýrýshańdyq pen ólim-jitim koronavırýsqa deıingi kezeńmen salystyrǵanda áldeqaıda kóbeıip ketken.
Elimizde 2023-2025 jyldarǵa arnalǵan ftızıopýlmonologııalyq qyzmetti damytý jónindegi Jol kartasynyń jobasy ázirlendi. Onyń sheńberinde tynys alý organdarynyń aýrýlary kezinde medısınalyq kómekti halyqqa uıymdastyrý, tynys alý organdarynyń aýrýlary kezinde medısınalyq kómektiń qoljetimdiligi men sapasyn qamtamasyz etý, tynys alý organdarynyń aýrýlary kezinde kómek kórsetý úshin, emdeý-dıagnostıkalyq prosesti jetildirý, onyń ishinde medısınalyq uıymdardy jaraqtandyrýmen qamtamasyz etý, kadrlyq áleýetti damytý josparlanyp otyr», delingen Densaýlyq saqtaý mınıstrliginiń habarlamasynda.
Aıta keteıik, tumaýǵa, pnevmokokkqa jáne gemofıldi taıaqshaǵa qarsy vaksınasııany qoldaný da pnevmonııanyń damýyn boldyrmaýdyń tıimdi ádisteriniń biri.