Qazaqstan Respýblıkasy prezıdenttigine kandıdat Saltanat Tursynbekova Aqtaýda jalǵyzbasty analarmen kezdesý ótkizdi.
«Jalǵyzbasty analar alıment suramaýy kerek, burynǵy kúıeýi men birge turatyn adamdarynyń artynan júgirmeýi kerek. Kez kelgen ana balalaryn ósiredi, olarǵa bilim, laıyqty tárbıe beredi. Alaıda áıelder barlyq jaýapkershilik júgin óz moıyndaryna kótermeýge tıis», dedi Saltanat Tursynbekova.
2021 jyly Qylmystyq kodekstiń 139-baby boıynsha alıment tólemegeni úshin 300-den astam boryshker qylmystyq jaýapkershilikke tartylǵan. Búginde qaryzdyń jalpy somasy júzdegen mıllıard teńgeni qurap, sot oryndaýshylar júzdegen isterdi qarap jatyr.
Jalǵyzbasty analar alıment óndirýdiń qoldanystaǵy ádisteri tıimsiz dep sanaıdy. Kandıdattyń aıtýynsha, alıment óndirýdegi negizgi máselelerdiń biri – boryshkerdiń kirisin anyqtaýdyń tıimdi ádisteriniń joqtyǵy. Eger boryshkerde jumys bolmasa jáne jumys izdeýge tyryspasa, onda alımenttik qaryz ortasha respýblıkalyq jalaqyǵa súıene otyryp aıqyndalady. Saltanat Tursynbekova sarapshylardyń derekterine súıene otyryp, tórt tańbaly aıyppul salý nemese eki jylǵa deıin qamaýǵa alý túrindegi jaza qoldanylmasa, jaýapsyz ákelerdiń alıment boıynsha mindettemelerin oryndatý is júzinde múmkin emes ekenin aıtty.