Ulttyq ekonomıka mınıstri Álibek Qýantyrov 2022 jylǵy ekonomıkalyq kórsetkishteri úzdik óńirlerdi atady, dep habarlaıdy Egemen.kz.
«О́ńirlik turǵyda Qyzylorda, Shyǵys Qazaqstan jáne Batys Qazaqstan oblystarynda, sondaı-aq Almaty men Shymkent qalalarynda úzdik kórsetkishter baıqalýda», dedi Álibek Qýantyrov Úkimet otyrysynda.
Sondaı-aq ol bıylǵy jyldyń qańtar-qyrkúıek aılarynda syrtqy saýda aınalymy 35 paıyzǵa ósip, 98,4 mıllıard AQSh dollaryn quraǵanyn aıtty.
«Sonyń ishinde eksport kórsetkishi 47,5%-ǵa ósip, 63,8 mlrd AQSh dollaryn qurady. Bul rette óńdelgen taýarlar eksporty 37,5%-ǵa ósip, 19,3 mlrd dollardy qurady. Taýar ımporty 34,6 mlrd AQSh dollaryn qurady. Jalpy oń saýda saldosy 29,3 mlrd AQSh dollaryn qurady», dep tolyqtyrdy mınıstr.