Talapty aýylyndaǵy Sherhan Murtazanyń ádebı-memorıaldy úıinde jazýshynyń 90 jyldyǵyna oraı «Qazaqtyń zańǵar jazýshysy – Sherhan Murtaza» taqyrybynda portrettik kesh uıymdastyryldy.
Is-sharanyń ótýine oblystyq kózi kórmeıtin jáne álsiz kóretin azamattar kitaphanasy men Sherhan Murtaza atyndaǵy oblystyq «Rýhanııat jáne tarıhtaný» ortalyǵy muryndyq boldy.
Is-sharaǵa qatysqan qalamgerdiń kelini, ardager kitaphanashy Sara Madımarova, Sheraǵanyń týysqan nemeresi Ramazan Shońǵarov jazýshynyń ózderine aıtqan atalyq sózi men aqyly, adamı bolmysy týraly tolǵana syr shertti. Sherhan Murtaza atyndaǵy oblystyq «Rýhanııat jáne tarıhtaný» ortalyǵynyń dırektory Saýran Qalıev Sheraǵa shyǵarmashylyǵyna sholý jasap, qalamgerdiń qazaq prozasyndaǵy róli men taǵdyry týraly oı bólisti.
Sońynan «Bolashaq» mektep-ınternatynyń oqýshylary tuǵyrly tulǵa rýhyna arnalǵan arnaý óleńderin oqyp, ádemi ánderdi shyrqady. Sondaı-aq kitaphana qyzmetkerleri Sherhan Murtazanyń kitaptaryna bıblıografııalyq sholý jasady. Keıinnen sóz alǵan oblystyq kózi kórmeıtin jáne álsiz kóretin azamattar kitaphanasynyń dırektory Janna Alshynbaeva is-sharaǵa belsene qatysqan azamattarǵa rızashylyǵyn jetkizip, syı-sııapat tapsyrdy.
Jambyl oblysy,
Jýaly aýdany