24 tonnaǵa jýyq alkogoldi satýǵa árekettengen Aqmola oblysynyń turǵyny sottaldy, dep habarlaıdy Egemen.kz.
Aqmola oblysy boıynsha Qarjy monıtorıng agenttigi alkogol ónimderin ótkizý maqsatynda zańsyz satyp alý, sondaı-aq zańsyz kásipkerlik qyzmetti júzege asyrý faktileri boıynsha sotqa deıingi tergeýdi aıaqtady.
«Oqıǵa bolǵan jerdi qaraý kezinde avtokólik tirkemesinen spırti bar suıyqtyq toltyrylǵan árqaısysynyń kólemi 1000 lıtr bolatyn 24 plastık ydys tabyldy. Aqmola oblysy boıynsha Memlekettik kirister Departamentiniń qorytyndysyna sáıkes, tárkilengen suıyqtyqtyń jalpy quny 27,5 mıllıon teńgeden asady», delingen vedomstvo habarlamasynda.
Atalǵan fakti boıynsha, sot úkimi Batjanovqa A.T. qylmystyq jolmen tabylǵan múlikti tárkilep, 1 jylǵa bas bostandyǵynan shekteý jazasyn taǵaıyndady.