О́skemen qalasyndaǵy Karbyshev kóshesinde ornalasqan aspaly jaıaý júrginshiler kópirinde 7 mamyr kúni keshki saǵat 20:30 shamasynda oqys oqıǵa boldy. Sol mezette kópir ústinde 8 adam, onyń ishinde 4 kámeletke tolmaǵan jasóspirim bolǵan. Zardap shekkenderge medısınalyq kómek kórsetildi. Aýyr jaraqat tirkelmegen, dep jazady Egemen.kz.
Oqıǵa ornyna tótenshe jaǵdaılar qyzmeti men jedel járdem brıgadalary jedel jetken. Dárigerlerdiń tekserýi nátıjesinde turǵyndardyń densaýlyǵyna aıtarlyqtaı qaýip joq ekeni anyqtaldy. Tek jeńil jaraqat alǵan.
Qazir barlyq zardap shekkender qajetti medısınalyq baqylaýdan ótip jatyr. Másele Shyǵys Qazaqstan oblystyq densaýlyq saqtaý basqarmasynyń baqylaýyna alynǵan.
Jarty jylda óndiristegi jazataıym oqıǵalardan 77 adam qaza tapqan
Aldyn ala málimet boıynsha, oqys jaǵdaıǵa balalardyń kópirdi terbetip oınaýy sebep bolǵan. Saldarynan kópir tósemine zaqym kelgen. Kámeletke tolmaǵandar konstrýksııany ózderi shaıqaǵanyn moıyndaǵan.
Osyǵan baılanysty aspaly jaıaý júrginshiler kópiri kelýshiler úshin ýaqytsha jabylady.
Jazataıym oqıǵalar jıilep tur
Qala ákimdigi málimetinshe, bıyl oblys ákiminiń tapsyrmasymen «Samal» saıabaǵyn qaıta jańǵyrtý jumystary qolǵa alynbaq. Joba aıasynda kópir konstrýksııasyn jańartý jáne ony kúsheıtý kózdelgen.
Turǵyndardyń qaýipsizdigin qamtamasyz etý maqsatynda jóndeý jumystary bastalǵanǵa deıin jáne tolyq aıaqtalǵansha nysanǵa kirýge shekteý qoıylady.
О́ndiris oryndaryndaǵy qaýipsizdik: Jazataıym oqıǵalar daýy azaımaı tur