Atyraý qalasynda bir otbasynyń tórt adamyn óltirgen Sultan Sársemalıevke qatysty sot prosesi ótip jatyr, dep habarlaıdy Egemen.kz.
Sot otyrysynda prokýror Naýryz Muqanǵalıevtiń qazasyna qatysty aıyptaý aktisin oqydy.
Tergeý málimetterine sáıkes, Naýryz Muqanǵalıev bir jyl buryn Atyraý mańyndaǵy Geolog shaǵynaýdanyndaǵy jalǵa alynǵan úıde qaza tapqan.
Sársemalıev isi: Prokýror qylmystyń qalaı jasalǵanyn aıtyp berdi
Sot materıaldarynda kórsetilgendeı, jábirlenýshiniń denesi uzaq ýaqyt boıy jer astynda bolyp, qylmystan keıin 6-8 aı ótken soń tabylǵan. Is materıalyna sáıkes aıyptalýshy qylmys jasaǵannan keıin máıitti jasyrǵan. Ol jalǵa alǵan úı aýlasynda shuńqyr qazyp, deneni sol jerge kómgeni kórsetilgen.
Alaıda sot otyrysynda Sultan Sársemalıev úsh adamnyń qylmysyn moıyndaǵanymen, Naýryz Muqanǵalıevtiń qazasyna qatysty qylmys epızodyndaǵy qasaqana áreketin joqqa shyǵardy.