10 kún ishinde el turǵyndary zeınetaqy jınaqtaryndaǵy qarajatyn qoldanystaǵy erejemen paıdalana alady. Sebebi elimizde 5 maýsymnan bastap zeınetaqy shottaryndaǵy jetkiliktilik shekterin esepteýdiń jańa ádistemesi kúshine enedi, dep habarlaıdy Egemen.kz.
Jańa erejege sáıkes, zeınetaqy shotynda qalýy tıis eń tómengi soma aıtarlyqtaı artýy múmkin. Bul óz kezeginde azamattardyń zeınetaqy jınaqtaryn alý múmkindigin shekteıdi.
Biryńǵaı jınaqtaýshy zeınetaqy qory (BJZQ) jańa shekterdi ádisteme kúshine engennen keıin úsh jumys kúni ishinde jarııalaýy tıis. Boljam boıynsha, jetkiliktilik shegi 5-7 maýsym aralyǵynda belgili bolady.
Jetkiliktilik shegi qalaı esepteledi?
Burynǵy esepteý júıesi azamattyń bolashaq jarnalaryn eskerýge negizdelse, jańa tásil zeınetke shyqqannan keıin ómir boıy tólenetin tólemderdi qamtamasyz etýge qajetti somany esepteýge baǵyttalǵan.
Esepteý kezinde ınvestısııalyq tabystylyq, jyl saıynǵy ındeksasııa, azamattyń jasy, ómir súrý uzaqtyǵy jáne zeınetaqy alý merzimi sııaqty faktorlar eskeriledi. Mamandardyń aıtýynsha, bul ózgeris ásirese jastar úshin qoljetimdi qarajat kólemin azaıtýy múmkin.
Zeınetaqy qarajatyn qalaı tekserýge bolady?
Azamattar óz zeınetaqy jınaqtaryn eGov Mobile qosymshasy, BJZQ jeke kabıneti nemese eGov portaly arqyly teksere alady.
Zeınetaqy qarajatyn paıdalaný úshin arnaıy shot ashý qajet. О́tinim enpf-otbasy.kz platformasy arqyly beriledi. Qarajat turǵyn úı satyp alý, ıpotekany óteý, alǵashqy jarna, emdelý nemese turǵyn úı depozıtin tolyqtyrý maqsatynda qoldanylýy múmkin.
«Konverttegi jalaqy» zeınetaqy men járdemaqyǵa qalaı áser etedi?
Sonymen qatar, zeınetaqy jınaqtarynyń bir bóligin jaqyn týystarǵa berý múmkindigi qarastyrylǵan. Iаǵnı azamattar ata-anasy men balalaryna, jubaıy men baýyrlaryna nemese ata-ájesi men nemerelerine zeınetaqy qarajatyn aýdara alady.