Táýelsizdik saraıynda Qazaqstanǵa memlekettik saparmen kelgen Reseı Federasııasynyń Prezıdenti Vladımır Pýtındi saltanatty qarsy alý rásimi ótti, dep habarlaıdy Egemen.kz Aqordanyń baspasóz qyzmetine silteme jasap.
Prezıdent Qasym-Jomart Toqaev Reseı basshysyn ózi kútip aldy.
Mártebeli meımannyń qurmetine Qazaqstan Respýblıkasy Áýe qorǵanysy kúshteriniń áskerı ushaqtary Reseı týyn beıneleıtin aq, kók jáne qyzyl tústi jolaqtardan iz tastap ushty.
Sodan soń Qasym-Jomart Toqaev pen Vladımır Pýtın bir birine resmı delegasııa múshelerin tanystyrdy.
Qurmet qaraýylynyń bastyǵy raport berip, eki eldiń memlekettik ánurandary shyrqaldy.
Eske salaıyq, keshe Reseı Prezıdenti Vladımır Pýtın Qazaqstanǵa memlekettik saparmen keldi. «Egemen Qazaqstan» gazetinde Vladımır Pýtınniń «Reseı – Qazaqstan: Eýrazııa tórindegi odaq» atty maqalasy jarııalandy.