Qaryz alý týraly shartqa qol qoıý – úlken jaýapkershilik. О́ıtkeni qujatqa qol qoıǵan sátten bastap qaryz alýshy onyń barlyq talaptarymen kelisedi jáne mindettemelerdi oryndaýǵa jaýapty bolady. Mamandar shart talaptaryn muqııat oqymaý qarjylyq qıyndyqtarǵa ákelýi múmkin ekenin eskertedi, dep habarlaıdy Egemen.kz.
Qarjy naryǵyn retteý jáne damytý agenttigi nesıe rásimdeý kezinde birneshe mańyzdy tarmaqqa nazar aýdarýǵa keńes beredi.
Eń aldymen sharttyń tıtýldyq betin muqııat qarap shyǵý qajet. Onda qaryz somasy, merzimi, syıaqy mólsherlemesi, jyldyq tıimdi syıaqy mólsherlemesi (JTSM), óteý tásili, merziminen buryn jabý sharttary men aıyppul kólemi kórsetiledi.
Ulttyq bank: Ipoteka men avtonesıege suranys tómendedi
Sondaı-aq kredıttiń tolyq qunyn aldyn ala esepteý mańyzdy. Aı saıynǵy tólemderden bólek, komıssııalar men saqtandyrý tólemderi de jalpy shyǵyndy arttyrýy múmkin.
Mamandar qaryzdy óteý tásilin de durys tańdaýǵa keńes beredi. Annýıtettik tólem kezinde aı saıyn birdeı soma tólense, saralanǵan tólem júıesinde qaryz kólemi birtindep azaıady.
Budan bólek, kredıt merzimine de mán bergen jón. Nesıe merzimi uzaq bolǵan saıyn artyq tólem kólemi de kóbeıedi. Sondyqtan merziminen buryn óteý múmkindigi men oǵan qatysty komıssııalardyń bar-joǵyn naqtylap alý qajet.
Agenttik tólem keshiktirilgen jaǵdaıda esepteletin aıyppuldar men qosymsha komıssııalardy da aldyn ala tekserýge shaqyrady.
Sonymen qatar qujattaǵy derbes málimetterdiń durys kórsetilgenine kóz jetkizip, olardy óńdeý jáne úshinshi tulǵalarǵa berý tártibimen tanysý mańyzdy.
Tabysynan 8 ese kóp qaryzy barlarǵa nesıe berilmeıdi: Ulttyq bank jańa shekteý engizedi
Mamandar tólem kestesi men jadynama da sharttyń ajyramas bóligi ekenin eske salady.
Qarjy uıymymen kelisimge kelmes buryn barlyq suraqtardy naqtylap, qajet bolǵan jaǵdaıda qosymsha keńes alǵan durys.
Sarapshylar kredıt boıynsha mindettemelerdi ýaqytynda oryndaý kredıttik tarıhqa tikeleı áser etetinin atap ótti. Al tólemderdi keshiktirý aıyppuldardyń ósýine jáne bolashaqta qarjylyq qyzmetterdi paıdalanýǵa shekteý qoıýy múmkin.