Atyraýdaǵy órt kezinde TJM qutqarýshylary tútinge oranǵan úıden eki balany alyp shyqty. Oqıǵa Leshoz shaǵyn aýdanynda bolǵan. Kezekshi pýltine kópqabatty turǵyn úıdiń qatty tútindengeni týraly habarlama túsken, dep habarlaıdy Egemen.kz.
Oqıǵa ornyna jetken órt sóndirýshiler eki qabatty úıdiń birinshi qabatyndaǵy páterden órt shyqqanyn anyqtady. Qalyń tútin saldarynan joǵarǵy qabattaǵy balalar syrtqa shyǵa almaı qalǵan.
«Barlaý jumystary kezinde TJM qyzmetkerleri ekinshi qabattaǵy páterden eki balany baspaldaq arqyly jedel qutqardy», dep habarlady vedomstvo.
О́rt sóndirýshilerdiń jedel ári úılesimdi áreketiniń arqasynda tilsiz jaý qysqa ýaqytta tolyqtaı sóndirildi. Oqıǵa saldarynan zardap shekkender men qaza tapqandar joq. Qazir órttiń shyǵý sebebi anyqtalyp jatyr.
Arqalyqta mekteptiń shatyry órtendi
Keshe Aqmola oblysynyń Kosshy qalasynda dúken shatyry órtenip, órt úıge taraǵan.