Ishki ister mınıstrligi qoǵamdyq oryndarda azamattardyń bet-júzdi tanýǵa kedergi keltiretin kıimderdi kııýge tyıym salý talabyn saqtaýyn qamtamasyz etýdi jalǵastyryp jatyr, dep habarlaıdy Egemen.kz.
Bul norma «Quqyq buzýshylyq profılaktıkasy» zańynyń 75-baby 3-tarmaǵynda kózdelgen.
Adamnyń túr-sıpatyn kózben tanýǵa kedergi keltiretindeı dárejede betti jabatyn kıimderdi kııý quqyqbuzýshylyq bolyp sanalady.
Tyıym aýa raıy jaǵdaılaryna jáne medısınalyq usynymdarǵa qatysty qoldanylmaıdy. Sondaı-aq qyzmettik mindetterdi atqarý, sporttyq jáne mádenı is-sharalarǵa qatysý kezinde de tyıym salynbaıdy.
Qoǵamdyq oryndarda tumshalanyp júrý: Almaty polısııasy daýly vıdeoǵa qatysty málimdeme jasady
Jaýapkershilik Ákimshilik quqyqbuzýshylyq týraly kodekstiń 434-3-babynda belgilengen. Atap aıtqanda, alǵashqy quqyqbuzýshylyq úshin eskertý qarastyrylǵan. Bir jyl ishinde qaıtalanǵan jaǵdaıda 10 aılyq eseptik kórsetkish mólsherinde aıyppul salynady.
Qazirgi ýaqytta atalǵan quqyq buzýshylyq boıynsha 1 179 azamat ákimshilik jaýapkershilikke tartyldy.
«Tyıym tek qoǵamdyq qaýipsizdikti qamtamasyz etýge baǵyttalǵanyn jáne bet-júzdi jasyratyn kez kelgen kıim túrine qatysty qoldanylatynyn atap ótemiz. Ishki ister organdary Zań men Tártipti qamtamasyz etý jumystaryn jalǵastyryp, azamattardy qoǵamdyq oryndarda belgilengen erejelerdi saqtaýǵa shaqyrady», delingen habarlamada.
Polısııa bet-júzdi tumshalaıtyn kıimderge tyıym salynǵanyn eskertti