Májilis depýtaty Murat Ábenov bloger Saýle Bazarhannyń ólimine baılanysty Densaýlyq saqtaý mınıstrligi kosmetologııalyq mekemelerdi qatań tekserý kerek ekenin málimdedi, dep habarlaıdy Egemen.kz.
Depýtattyń aıtýynsha, buǵan deıin tekserý júrgizýge Kásipkerlik kodekstiń normalary kedergi bolǵan.
«Keıbir olıgarhtar medısınalyq qyzmetpen aınalysyp, túrli zerthanalar ashty. Árıne, olarǵa tekseristiń bolǵany tıimsiz. Biraq 2025 jyly biz bul uıymdardy tekserý quqyǵyn qaıtardyq. Bizde jańa týǵan náreste qaıtys bolǵan jaǵdaı boldy, alaıda tekserý júrgize almadyq», dedi depýtat.
Ol kosmetologııalyq klınıkalarda tehnıkalyq jáne sanıtarlyq sertıfıkattardyń, sondaı-aq qoldanylatyn barlyq preparattarǵa sertıfıkattardyń bolýy mańyzdy ekenin atap ótti.
Murat Ábenov kosmetologııalyq prosedýralarda qoldanylatyn preparattardyń quramyna baılanysty qaýipterge de nazar aýdardy. Onyń aıtýynsha, mundaı zattar anafılaksııalyq shok týdyrýy múmkin.
Aıta keteıik, buǵan deıin Densaýlyq saqtaý mınıstrligi bloger Sáýle Bazarhannyń ólimine qatysty tekserý júrgizetini týraly habarlaǵan bolatynbyz.
Eske sala keteıik, belgili kásipker ári bloger Sáýle Bazarhan plastıkalyq hırýrgııa klınıkasynda kóz jumdy. Marqumnyń qyzynyń sózinshe, dárigerler ota eń kóbi bir jarym saǵatqa sozylady dep sendirgen. Alaıda birneshe saǵat boıy týystaryna eshqandaı aqparat berilmegen.