Qazaqstan men Reseı prezıdentteri shaǵyn quramda kelissóz júrgizdi, dep habarlaıdy Egemen.kz Aqordanyń baspasóz qyzmetine silteme jasap.
«Qurmetti Vladımır Vladımırovıch, elordaǵa qosh keldińiz! Memlekettik saparmen kelgenińizge qýanyshtymyn. Bul sapardyń elderimiz arasyndaǵy strategııalyq seriktestik pen odaqtastyq qatynastardy damytý turǵysynan máni zor. Sonymen qatar Eýrazııa qurlyǵyndaǵy qaýipsizdik pen turaqtylyqty qamtamasyz etýde de aıryqsha mánge ıe dep oılaımyn. О́ıtkeni bizdiń elderimiz alyp Eýrazııa keńistiginiń ózegi sanalady. Osy oraıda eki máseleni erekshe atap ótkim keledi. Birinshisi, elderimiz arasyndaǵy strategııalyq seriktestik pen odaqtastyq qatynastardyń jeti negizi týraly birlesken málimdeme. Jeti – qasıetti san. Qujat óte mazmundy. Bul jóninde baspasóz konferensııasynda tolyǵyraq aıtamyn. Ony ózim qarap, túzetýler engizdim. Atalǵan málimdeme eki el jylnamasyna mańyzdy oqıǵa retinde enedi dep senemin. Ekinshisi, Qazaqstanda atom elektr stansııasynyń qurylysyna qatysty kelisimge qol qoıý. Osy jobaǵa qoldaý kórsetkenińiz úshin Sizge rızashylyǵymdy bildiremin. AES qurylysy týraly kelisimniń strategııalyq máni jóninde aıta berý artyq. Bul bárine túsinikti. Biz – dostas, baýyrlas eldermiz. Ortaq baı tarıhymyz bar, mádenı dástúrlerimiz ben halyqtarymyzdyń mentalıteti bir birine uqsas. Keshegi beıresmı kezdesýde ol jóninde egjeı-tegjeıli aıtyp, ótkendi eske aldyq. Reseı úshin de munyń máni erekshe dep oılaımyn. Biz halyqtarymyzdyń túpkilikti múddesine saı jumys isteımiz. Azamattarymyz memleketterimizdiń dostyǵy men yntymaǵy saqtalǵanyn qalaıdy. Odan ári órkendeý úshin barshamyzǵa beıbitshilik qajet», dedi Memleket basshysy.
О́z kezeginde Vladımır Pýtın keshegi beıresmı kezdesýde kóptegen perspektıvaly baǵyttar boıynsha pikir almasyp úlgergenderin jetkizdi.
«Qurmetti Qasym-Jomart Kemeluly! Eń áýeli shaqyrǵanyńyz úshin alǵys aıtamyn. Byltyr bizge memlekettik saparmen kelgenińizge qýandyq. Sol kezde ǵasyrlar boıy, sonyń ishinde bir memleket aıasynda qalyptasqan halyqtarymyz arasyndaǵy berik dostyq pen ózara qurmetke negizdelgen strategııalyq seriktestigimizdi keńeıtý baǵytynda taǵy da alǵa qaraı qadam jasadyq. Búgin de jemisti jumys atqaramyz dep oılaımyn. Beıresmı sıpatta ótken keshegi kezdesý úshin rızashylyǵymdy bildiremin. О́zara yqpaldastyǵymyzdyń kóptegen mańyzdy ári perspektıvti baǵyty boıynsha pikir almastyq. Delegasııamyz elińizge mereke qarsańynda kelip otyr. Reseı musylmandary Qurban aıt merekesin atap ótedi. Qazaqstanda da bul meıram keńinen toılanatynyn bilemin», dedi Reseı Prezıdenti.
Buǵan deıin Táýelsizdik saraıynda Qazaqstanǵa memlekettik saparmen kelgen Reseı Federasııasynyń Prezıdenti Vladımır Pýtındi saltanatty qarsy alý rásimi ótti.
Eske salaıyq, keshe Reseı Prezıdenti Vladımır Pýtın Qazaqstanǵa memlekettik saparmen keldi. «Egemen Qazaqstan» gazetinde Vladımır Pýtınniń «Reseı – Qazaqstan: Eýrazııa tórindegi odaq» atty maqalasy jarııalandy.