Qasym-Jomart Toqaev pen Vladımır Pýtın kelissózderdi resmı delegasııa músheleriniń qatysýymen keńeıtilgen quramda jalǵastyrdy, dep habarlaıdy Egemen.kz.
Memleket basshysy Reseı Prezıdentiniń Qazaqstanǵa jasaǵan sapary jan-jaqty strategııalyq seriktestik jáne odaqtastyq rýhyndaǵy qarym-qatynastardyń erekshe sıpatyn kórsetetinin atap ótti.
«Qazaqstan úshin eń áýeli Reseımen jaqyn ári dostyq baılanystar aıryqsha mańyzdy desek, artyq bolmaıdy. Birlesken kúsh-jigerdiń arqasynda ekijaqty yntymaqtastyq barlyq salada senimdi túrde damyp keledi ári ony memleketaralyq baılanystardyń naǵyz úlgisi dep ataýǵa bolady. Biz shaǵyn quramda nátıjeli kelissóz júrgizip, san qyrly seriktestigimizdi nyǵaıtýǵa nıetti ekenimizdi rastadyq. Elderimizdiń arasynda eshqandaı sheshilmegen másele joq. Tek oń dınamıka baıqalady. Osy qarqyndy saqtap, jańa jobalar men bastamalar arqyly yntymaqtastyqty damyta beremiz. Bul oraıda búgin qabyldanatyn «Qazaqstan jáne Reseı halyqtary arasyndaǵy dostyq pen tatý kórshiliktiń jeti negizi týraly» birlesken málimdemeniń mańyzyn erekshe atap ótkim keledi. Atalǵan qujat qarym-qatynasymyzdyń sıpatyn tanytady jáne ony uzaqmerzimdi negizde tereńdetýge beıil ekenimizdi kórsetedi», dedi Prezıdent.
Memleket basshysynyń aıtýynsha, álemdegi kúrdeli ahýalǵa qaramastan, ekijaqty yqpaldastyq, ásirese, ekonomıka salasynda tabysty órbip keledi. О́ńiraralyq yntymaqtastyq forýmdaryn ótkizý dástúrge aınaldy.
«Reseı Qazaqstan ekonomıkasyna qarjy quıǵan elderdiń arasyndaǵy eń iri ınvestor sanalady. Qazaqstannyń Reseı ekonomıkasyna salǵan qarjysy 9 mıllıard dollardan asty. Bul – óte jaqsy kórsetkish, eki el prezıdentteriniń ákimshilikteri men úkimetteriniń birlese atqarǵan jumysynyń nátıjesi. Osy qarqyndy ary qaraı jalǵastyrýǵa ýaǵdalastyq. Búginde ınvestısııanyń jalpy kólemi 53 mıllıard dollar bolatyn 177 birlesken jobanyń pýly jasaqtaldy, onyń ishinde 122-si iske asyryldy, ıaǵnı, operasııalyq kezeńge ótti,» dedi Qasym-Jomart Toqaev.
Táýelsizdik saraıynda Vladımır Pýtındi saltanatty qarsy alý rásimi ótti
Sondaı-aq Prezıdenttiń mádenı-gýmanıtarlyq saladaǵy yntymaqtastyqqa aıryqsha nazar aýdaryp, Qazaqstan men Reseıdiń kópjaqty alańdar aıasyndaǵy yqpaldastyǵyna mán berdi.
«Jýyrda Astanada qala turǵyndary men qonaqtary erekshe yqylaspen qabyldaǵan Qazaqstandaǵy Reseı kúnderi ótti. Mańyzdy ýaqıǵalar qatarynda byltyr elordada «Qazaqstan men Reseı máńgi dostyǵy alleıasy» jáne Máskeýde Qazaqstan men Reseı dostyǵy skveriniń ashylýyn aıtýǵa bolady. Astanada ótetin úshinshi «Bolashaq oıyndary» gýmanıtarlyq baılanystardyń, eń aldymen, elderimizdiń jastary arasyndaǵy yntymaqtastyqtyń bekı túsýine yqpal etedi. Qazaqstandaǵy «Sırıýs» jobasyn erekshe atap ótkim keledi. Muny qoldaımyn, bolashaq mamandardy daıarlaý úshin paıdasy zor dep sanaımyn.
Eki el «Ortalyq Azııa – Reseı» formatynda jemisti jumys atqaryp jatqanyna aıryqsha toqtalǵym keledi. Atalǵan formatty búkil álem Ortalyq Azııaǵa nazaryn tigip otyrǵan ýaqytta kúsheıte túsýimiz qajet dep oılaımyn. Sapar qarsańynda jarııalanǵan maqalańyz úshin Sizge rızashylyǵymdy bildiremin. О́te qyzyqty ári mazmundy maqala bizdiń qoǵam tarapynan oń baǵaǵa ıe boldy. Biz elderimiz arasyndaǵy strategııalyq seriktestik pen odaqtastyq qatynastardy nyǵaıtý baǵytynda ári qaraı jumys atqara beremiz», dedi Prezıdent.
Vladımır Pýtın teń quqyly jáne ózara qurmetke negizdelgen Reseı men Qazaqstannyń qarym-qatynasy qarqyndy damyp kele jatqanyn jetkizdi.
«Byltyr Máskeýge memlekettik saparyńyz barysynda jasaǵan birlesken málimdemede baılanystarymyz jan-jaqty strategııalyq seriktestik jáne odaqtastyq deńgeıine kóterilgenin atap óttik. Bul shyn máninde solaı. Biz barlyq baǵytta jumys júrgizip jatyrmyz. Reseı jáne Qazaqstan halyqtary arasyndaǵy dostyq pen tatý kórshiliktiń jeti negizi jaıynda mańyzdy birlesken málimdeme qabyldaımyz. Sonymen qatar kóptegen úkimetaralyq, vedomstvoaralyq jáne kommersııalyq kelisimder daıyndaldy. Bul qujattar ekonomıka men energetıkadan bastap, mádenı-gýmanıtarlyq qatynastarǵa deıingi yntymaqtastyqtyń barlyq salasyn qamtıdy. Munyń bári ózara yqpaldastyǵymyzdyń irgesin nyǵaıtýǵa septigin tıgizetinine senimdimin. 70 ınvestısııalyq joba júzege asyrylyp jatyr. Bul – aýqymdy jumystyń bastaýy ǵana. О́zara yntymaqtastyǵymyzdyń jaqsy nátıjege qol jetkizetin perspektıvti baǵyttary baıqalady», dedi Reseı Prezıdenti.
Qasym-Jomart Toqaev pen Vladımır Pýtın shaǵyn quramda kelissóz júrgizdi
Budan bólek, kezdesýde ózara tıimdi yntymaqtastyqty keńeıtý jáne óndiris, energetıka, kólik-logıstıka, agroónerkásip kesheni, sıfrlandyrý salalaryndaǵy birlesken jobalardy júzege asyrý perspektıvasy talqylandy.