Memleket basshysy Qasym-Jomart Toqaev Almatyda stýdenttermen jáne jas ǵalymdarmen kezdesýi barysynda elimizdiń damýy bilimdi jastardyń bolashaǵymen tyǵyz baılanysty ekenin atap ótti.
Atap aıtqanda, Prezıdent qala jastaryna sapaly jáne qoljetimdi bilim berý máselelerine erekshe nazar aýdarý qajettigin aıtty. Osy oraıda Úkimet tarapynan bul baǵytta úlken jumystar iske asyp jatqanyn jáne sońǵy jyldary bilim men ǵylymdy damytýda aıtarlyqtaı ilgerileýshilik bar ekenin atap ótkim keledi.
Qazaqstanda jańa ǵasyrda tehnıka men ǵylym salasy óte joǵary deńgeıge kóteriledi degen senim zor. Ǵalymdardyń izdenisteri, ashqan jańalyqtary, ónertapqyshtardyń eńbegi men jańalyqtary – kez kelgen memlekettiń gúldenýiniń kepili. Sondyqtan Prezıdent ǵylymı jańǵyrýdyń jańa tolqynyna dem bere otyryp, osy joldaǵy ıgi jobalarǵa jol ashyp otyr. Jastar bilimge belsendi umtylýmen qatar tehnıka tili men zamanaýı tehnologııalardy meńgeretini sózsiz. Árıne, ozyq ıdeıalar men startap-jobalardy júzege asyrý, jastardy bilim men ǵylym jolyna baǵyttaý, olarǵa básekege qabiletti bolýǵa kómektesý pedagogter men ǵalymdardan joǵary biliktilik talap etiletini anyq.
Elimizde pedagogıkalyq bilim berýdi damytý, sapaly kadrlar daıarlaý baǵytynda da jaýapty mindetter tur. Memleket basshysy qoǵamdy damytý úshin pedagogterdiń róli, olardyń mártebesin kóterý týraly únemi aıtyp, naqty sharalardy nazardan tys qaldyrǵan emes.
Darhan BILÁLOV,
Abaı atyndaǵy QazUPÝ basqarma tóraǵasy-rektor