Elimizdiń Qorǵanys mınıstri Serik Ahmetov memleket basshylary deńgeıindegi Joǵarǵy Eýrazııalyq ekonomıkalyq keńestiń otyrysyna qatysý úshin Astanaǵa kelgen UQShU Bas hatshysy Nıkolaı Bordıýjamen kezdesti.
Kezdesý barysynda áskerı jáne saıası yntymaqtastyqtyń aǵymdaǵy jáne perspektıvalyq máseleleri, qazirgi zamanǵy qaýip-qaterlerge qarsy áreket etý, Uıymnyń jaýapkershilik aıasynda qaýipsizdikti qamtamasyz etý boıynsha pikir almasyldy.
Áskerı-tehnıkalyq yntymaqtastyqtyń «UQShU qyzmeti mańyzdy aspektileriniń biri» ekenin atap ótken taraptar, UQShU-ǵa múshe elder qorǵanys-ónerkásiptik kesheni salasyndaǵy ózara tıimdi baılanystardy ári qaraı damytýdy qoldap pikir bildirdi.
Ujymdyq jedel den qoıý kúshterin nyǵaıtý máselelerine toqtalǵan S.Ahmetov aǵymdaǵy jyldyń tamyz aıynda UJDQK-niń «О́zara is-qımyl» oqý-jattyǵýy ótkiziletini týraly habarlady.
«Egemen-aqparat».