OSK múshesi Shavkat О́temisov AQSh pen Kanadada prezıdent saılaýyna daýys berý bastalǵanyn málimdedi, dep habarlaıdy Egemen.kz.
«Daýys berý Vashıngtonda, Nıý-Iorkte, Ottavada bastaldy. San-Fransıskodaǵy taǵy bir saılaý ýchaskesi ýaqyt beldeýin eskere otyryp, keıinirek ashylady», dedi Shavkat О́temisov Ortalyq saılaý komıssııasynda ótken brıfıngte.
Eske salaıyq, Qazaqstanda tańǵy saǵat 07.00-den bastap eldegi prezıdent saılaýyna daýys berý rásimi bastaldy. Daýys berýge el boıynsha barlyq 10 033 saılaý ýchaskesi qatysýda. Sheteldegi 68 saılaý ýchaskesiniń barlyǵynda daýys berýge bolady. AQSh pen Kanadadaǵy bólimder ýaqyt aıyrmashylyǵyna baılanysty keıinirek jumysyn bastady.