Baýyr eti balasyna ata-anadan artyq kim qamqor bola alady? О́mirdiń bar jaqsysyn balasyna kórsetkisi keletin ata-analar ótinishi keıingi jyldary jerde qalyp jatqan joq. Memleket basshysy Qasym-Jomart Toqaevtyń otandyq jeńil ónerkásipti damytý aıasynda memlekettik tapsyrystardy mektep formasyn satyp alýǵa baǵyttaý tapsyrmasy sózimizge tuzdyq. Búginde atalǵan jobaǵa sáıkes arnaıy sıfrly platformany júzege asyrý kózdelip otyr.
Indýstrııa jáne ınfraqurylymdyq damý mınıstrliginde «Ashyq saǵat alańy» aıasynda múddeli memlekettik organdarmen birlesip az qamtylǵan otbasylarǵa qarjylyq jáne materıaldyq kómek kórsetý qaǵıdalary boıynsha sıfrlyq platformany engizý máseleleri talqylandy.
Indýstrııalyq damý komıtetiniń tóraǵasy Ilııas Ospanovtyń basshylyǵymen ótken keńeste jobany iske qosý máseleleri qarastyrylyp, qanatqaqty jobany aldymen Astana qalasynda, keıin elimizdiń barlyq óńirinde engizý josparlandy.
«Qazirgi ýaqytta «Áleýmettik ámııan» platformasy arqyly ata-analarǵa belgili bir dúkenderde mektep formasyn satyp alýǵa kepilhat berý máselesi qarastyrylýda. Sondaı-aq otandyq taýar óndirýshilerge mektep formasyn satý úshin jeńildikti sharttarmen saýda núkteleri usynylǵany jón. Osyǵan baılanysty otandyq taýar óndirýshilerdiń tizilimin qalyptastyrý qajet. Basty talaptardyń biri – ulttyq standarttarǵa sáıkes ónim óndirisin anyqtaý», dep atap ótti I.Ospanov.
Joba nátıjesinde bıýdjet qarajatyn nysanaly maqsatta jumsaýdyń ashyqtyǵy qamtamasyz etiletindigi, sondaı-aq mektep formasyn shyǵarý baǵytyndaǵy otandyq óndiris kólemin arttyrýǵa yqpal jasalatyny shynynda qýanyshty jaıt. Az qamtylǵan otbasylarǵa qarjylyq jáne materıaldyq kómek kórsetý qaǵıdalary aıasynda kıim, aıaqkıim, mektep kerek-jaraqtaryn satyp alýǵa kómek ata-analardyń ótinishine sáıkes eń tómengi kúnkóris deńgeıinen tómen emes mólsherde aqshalaı beriletinin atap ótken jón.
Árıne, ár balanyń qatarynan qalmaı ósýine barynsha jaǵdaı jasaý, meılinshe kóńil bólý – qaı ata-ananyń bolsyn mereıin asyrary sózsiz. «Baqyt degen – meniń bala kúnderim» dep Muqaǵalı jyrlaǵandaı, balalyq shaq árkimniń jadynda tek qyzyqty da baqytty sátterimen este qalýǵa tıis.