Jańa depýtat Fýat Satybaev Qazaqstan Respýblıkasy Parlamenti Májilisiniń depýtaty retinde ant qabyldady, dep habarlaıdy Egemen.kz.
«Qazaqstan halqyna adal qyzmet etýge, Qazaqstan Respýblıkasynyń tutastyǵy men táýelsizdigin nyǵaıtýǵa, onyń Konstıtýsııasy men zańdaryn múltiksiz oryndaýǵa, ózime júktelgen depýtattyq joǵary mindetterdi adal atqarýǵa ant etemin», dedi Fýat Satybaev palatanyń jalpy otyrysynda.
О́z kezeginde Májilis spıkeri Erlan Qoshanov onyń jumysyna sáttilik tiledi. Jańa depýtat Halyqaralyq ister, qorǵanys jáne qaýipsizdik komıtetine saılandy.
Buǵan deıin Ortalyq saılaý komıssııasy Qazaqstan Respýblıkasy Parlamenti Májilisiniń depýtaty Fýat Satybaevty tirkegen bolatyn.
Fýat Satybaev Pavlodar oblysynda hırýrg, densaýlyq saqtaýdyń qurmetti qyzmetkeri retinde tanymal. 2021 jylǵy 10 qańtarda «Aqjol» partııasynan Pavlodar oblystyq máslıhatynyń VII shaqyrylymynyń depýtaty bolyp saılandy, VII shaqyrylymdaǵy oblystyq máslıhattyń ekonomıka jáne bıýdjet jónindegi turaqty komıssııasynyń múshesi boldy.