Qazan aıynda BAQ 305 qazaqstandyq sheneýniktiń oıynhanada 507 mıllıon teńge jumsaǵanyn habarlaǵan bolatyn. Qarjy monıtorıngi agenttiginiń eki qyzmetkeri tártiptik jaýapkershilikke tartyldy, dep habarlaıdy Egemen.kz.
QR QMA Adam resýrstary departamentiniń dırektory Nurlan Ádalıev bul faktilerdi barlyq memlekettik organdar teksergenin aıtty. Ol Qarjy monıtorıngi agenttigine qatysty faktilerge egjeı-tegjeıli toqtaldy.
«Shynynda da, atalǵan sholýda birqatar qyzmetker atap ótildi. Bul faktilerdiń barlyǵy tekserildi. Onda tórt qyzmetker resmı is-sharalarǵa baılanysty bolǵan. О́zderińiz biletindeı, bul zańmen qarastyrylǵan. Tıisti tergeý júrgizdik. Eki qyzmetkerge qatysty faktiler rastaldy. Bul qyzmetkerler qyzmettik talaptardy tolyq oryndamaǵany týraly eskertý túrindegi qatań tártiptik jaýapkershilikke tartyldy», dedi QR QMA kadr bóliminiń basshysy Ortalyq kommýnıkasııalar qyzmetinde ótken brıfıngte.
QMA qyzmetkerlerine qatysty basqa faktilerge keletin bolsaq, Nurlan Ádalıevtiń aıtýynsha, barý jáne tekserý kezinde qalǵan qyzmetkerler Qarjy monıtorıngi agenttiginde jumys istemeıtin bolyp shyqty.