Memleket basshysy Qasym-Jomart Toqaev ulyqtaý rásiminde ádiletti Qazaqstanda eńbek adamyna erekshe qurmet kórsetiletini týraly aıtty. О́te oryndy pikir.
Keshegi keńes zamanynda eńbek adamyna erekshe qurmet kórsetildi. Qoǵam baılyǵy qarapaıym qurysh qoldy adamdardyń mańdaı terimen jınaldy. Zamanynda keńshar, astyq qabyldaý kásipornynyń dırektory bolyp qyzmet istep júrgen kezimizde aldynan jumys úrkip turatyn eńbek adamdarynyń qajyrly, qaıratty isin kórip súısinetin edik. Ýaqytpen sanaspaı eren eńbektiń kórigin qyzdyrǵan dala erleri ásirese naýqandyq jumys kezinde kúndi túnge, túndi kúnge ulastyryp, kirpik ilmeı qareket etetin. Ozattardyń eseli eńbegi ózgelerge úlgi etiletin. Olardyń sýretteri Qurmet taqtasyna ilinip, árqıly jarystarda jeńimpaz atanyp, maqtaý marapattaýǵa ıe boldy. Osynyń ózi eńbek adamdaryn toptastyra tústi, jigerlerin janydy, kókirekterine ólsheýsiz kúsh-qýat quıdy.
El Prezıdentiniń eńbek adamdaryn baǵalaý, qurmetteý týraly lebizin estigen kezde bas kótermeı jumys istegen jastyq shaǵym kóz aldymda qylań berdi. Qazir aýyl sharýashylyǵy qurylymdarynda mehanızator, kombaınshylar jetispeıdi. Jumys berýshiler ózge de mamandarǵa zárý. Osynyń barlyǵy – sońǵy jyldary qarapaıym eńbek adamyn qadirlemegendikten. Sondyqtan jastar jaǵy eńbek etýge qulyqsyz. Keshegi dástúr sabaqtastyǵy úzildi. Osy bir túıindi máseleni Memleket basshysy óte durys ańǵaryp, qoǵamdy olqylyqtyń ornyn toltyrýǵa shaqyryp otyr. Túptep kelgende, bul – eldiń óte aýqymdy, mańyzdy sharýasy. Jalpaq jurtty irgeli isterge baǵyttap, keń aýqymdy jumystar is tyndyrý úshin qoǵamǵa paıdaly kez kelgen mamandyq ıesi qurmettelýi kerek.
Amangeldi BEKQOJIN,
eńbek ardageri