Almaty zoobaǵyna ákelingen aq tósti tuqandardyń (týkan) vıdeosy zoobaqtyń áleýmettik jelidegi paraqshasynda jarııalandy.
«Qustar Armenııa astanasy – Erevan qalasynan ákelindi. Olar áli kishkentaı, eki jasta. Qazir olar akvarıým janyndaǵy Qustar úıinde turady. Toqyldaq tárizdiler klasyna jatatyn, tumsyǵy múıizge uqsas bul qustardyń otany – Ońtústik Amerıka ormandary», dep habarlady zoobaq ókilderi.
Sondaı-aq zoobaqta tuqandardyń volerge tez úırenip, ózderin kútýshi kıperlermen dostasyp, kópshiliktiń súıikti qusyna aınalǵanyn habarlady. Tropıkalyq qustar banan, apelsın sııaqty jemistermen qatar, tyshqan, qus jumyrtqalarymen qorektenedi. Tuqandar 20 jyl ómir súredi. Aq keýdeli tuqan Halyqaralyq tabıǵat qorǵaý odaǵynyń Qyzyl kitabyna engizilgen.