KIIZ ÚIDIŃ IShINDE NE BAR?

Halyqaralyq KITEL-2010 kórmesinde ulttyq operator “Aqyldy úı” fılosofııasyn usyndy Jyl saıyn dástúrli ótkizilip kele jatqan ortaazııalyq KITEL, ıaǵnı telekommýnı­kasııalyq, kompıýterlik jáne aqparattyq tehnologııalar kórmesi tań qaldyratyn da, kádege asyratyn da jańalyqtarǵa kende bolmaıdy. Osymen bıyl 17-ret ótken halyqaralyq kórmede “Qazaqtelekom” tetigin tapsań, qaltqysyz qyzmet etetin tamasha tehnologııalyq múmkindikterdi usyndy. Ulttyq baılanys operatorynyń kórmedegi basty ıdeıasy – “Aqyldy úı” fılosofııasy boldy. О́zindik tehnologııalyq kıiz úıde iD brendiniń aıasynda túrli qyzmetter usynyldy: ınternetke joǵary jyldamdyqta qatynaý – iD Net, ınteraktıvti sandyq televızııa – iD TV (www.id-tv.kz), jańa býyn telefonııasy iD Phone (www.idphone.kz), sondaı-aq hostıng – iD Host (www.idhost.kz). Atalmysh kórmede jaqynda ǵana iD Net brendimen, FTTH (Fider to the home – “Op­­­­­tıka-talshyqty jeliler úıge”) tehnologııasy boıynsha iske qosylǵan ınternetke qosylý qyzmeti kórmege kelýshilerdiń nazaryna iligetin bolady degen boljam aqtaldy desek te bolady. Almaty qalasynyń turǵyndary iD Net-ti nasıhattaýǵa juldyzy janyp kele jatqan jas aktrısa Ásel Saǵatova tartylǵanyn baıqap ta júrgen bolar?! Aıtqandaı, buǵan deıin de Ásel “Qazaqtelekom” kompanııasynyń “Megaline” qyzmetin jarnama­laıtyn rolıkke túsken bolatyn. Qazir “Mega­line” elimizdegi eń ta­nymal, halyq kóp tutynatyn qyzmet túrine aınalǵanyn eskersek, FTTH-tiń de keleshegi bar dep sáýegeılik aıtýǵa bolady. Osy termındi bylaısha tolyǵyraq tanys­tyryp ótýge bolar edi. FTTH – bul telefonııa, ınternet jáne ınteraktıvti TV baılanys qyz­metteriniń barlyq spektrin usynýǵa múmkindik beretin abonenttik qatynaý jelilerin qurýǵa arnalǵan eń keleshekti, zamanaýı tehnolo­gııa­lardyń biri. Abonentter ınternetke qatynaýdy kiris jáne shyǵys arnalary boı­ynsha ishki re­sýrstarǵa (RIPE-de “Qazaqte­le­kom” atyna tir­kelgen IP-adresterge) 100Mbıt/s jyldamdyq­pen, syrtqy resýrstarǵa – 2 Mbıt/s deıin jyldamdyqta júzege asyra alady. Qazirdiń ózinde-aq, iD Net qyzmeti Astana (“Energetık” kenti) jáne Almaty qalalarynda kórsetilip jatyr. Ony usyný men uıymdas­tyrýda “Ethernet To The Home” (ETTH) tujy­rymdamasy paıdalanylýda. Qysqasha aıtqanda bylaı, optıka-talshyqty kabelderdi tikeleı ǵımarat­tardyń kire berisindegi kommýta­torlarǵa deıin tarta otyryp, odan ári jelini tikeleı abonentke deıin júrgizý kózdelgen. Al Astanada FTTH tehnologııasy qoldanylady. “Qazaq­te­lekom” osy qyzmetti elimizdiń barlyq óńirlerine engizýdi josparlap jatqanyn da atap ótken jón. “Qazaqtelekom” AQ Basqarma tóraǵasy Qýanyshbek Esekeev Almaty men Astana qa­lalarynda iD Net qyzmetin kórsete alatyn­dyq­taryn, al iD TV-ny 2 jyldan beri qoldanysqa engizilip kele jatqanyn aıtady. Basqarma tó­raǵasy qazirdiń ózinde 12 myń adam iD-tele­vı­zııaǵa qosylǵanyn, jyl aıaǵyna deıin olardyń sany 20 myńǵa jetip jyǵylatynyn málimdedi. – iD TV qyzmetiniń artyqshylyǵy – telearnalardy tańdap ǵana qoımaı, bizdiń beıneqordan qalaǵan fılmderge tapsyrys ta bere alasyz. Aldaǵy ýaqytta bul qyzmet damytylady. Sol kezde teledıdardan tikeleı ınternetke shyǵa alasyz. Oǵan qosa qalaǵan aqparattardy alýǵa tolyq múmkindik bar, – deıdi kompanııanyń Satý isi jónindegi basqarýshy dırektory Tımýr Bulambaev. Qalaı desek te, osy arada ulttyq opera­torymyzdyń ınternetke qosylý jyldamdyǵyn arttyrýmen qatar, onyń baǵasyn arzandatyp kele jatqanyn da mindetti túrde aıtýymyz kerek. Bul sharalar qazaqstandyq kontentti damytýǵa jaǵdaı týdyryp otyrǵanyn bóle-jaryp ataǵan jón. “Qazaqtelekomǵa” Elbasy da júktegen mindetter qatarynda kompanııa Internet Data ortalyqtardy damytý bar ekeni belgili, sondyqtan bul jaýapty bastamaǵa baılanys operatory da basa nazar aýdaryp otyr. – Búginde abonent birneshe baılanys qyzmetteri men ınteraktıvti servısterge qol jetkizýge qyzyǵýshylyq tanytýda. Klıentter­diń qajettilikteri men suranystarynyń artýyn jáne keńjolaqty qatynaý, tirkelgen tele­fonııa men kontenttiń birikkenin eskere oty­ryp, biz abonentterge birqatar pakettik qyzmet­terdi usyna bastadyq. Oǵan qosa jańa qyzmet túrlerin odan ári keńeıtýdi de kózdep otyrmyz, – deıdi “Qazaqtelekom” AQ Basqarma tóraǵasy Qýanyshbek Esekeev. Baılanys operatorynyń jańa basshysy kompanııanyń rynoktaǵy ornyǵýyndaǵy sıntezine qol jetkizý úshin bastapqy sharttar túgel ekendigin alǵa tartyp otyr. – Bir jaǵynan, biz qazaqstandyq rynokta baıyrǵydan barmyz, ekinshi jaǵynan ınnova­sııa­larǵa bet burdyq. Sondyqtan óz dástúri­mizdi saqtaı otyryp, abonenttermen birge alǵa qaraı qadam basqymyz keledi, – deıdi Q. Esekeev. Basqarma tóraǵasynyń sózi dáıekti. Qazirdiń ózinde “Qazaqtelekom” kompanııasy paketpen satýdy júzege asyryp otyr. Olar: “iD Home Full” men “iD Home TV”. Osy arada paketpen qosylýdyń jeńildikteri bar ekendigin eske sala ketelik. Máselen, “iD Home Full” pakettik qyzmetine kompanııanyń úsh qyzmeti kiredi: “iD Net”, “iD Phone” jáne iD TV. “iD Home TV” paketi “iD Net” jáne “iD TV” qyz­met­terin qosa usynady. Aldaǵy ýaqytta kompa­nııa iD jáne Megaline brendiniń aıasynda abonentter úshin biregeı Jeke kabınetti jasaýdy josparlap otyr. Iá, “Qazaqtelekomnyń” kıiz úıiniń ishinde ne bar deısiz ǵoı? Qazirgi qazaqtyń úıinde eski astaý men kebeje turǵan joq. Onda adamzattyń aqyl-oıynan týǵan eń ozyq telekom­­­­mýnı­kasııalyq jáne aqparattyq tehnologııalar sap túzep, samsap tur! Aınash ESALI, Almaty.