24 jeltoqsanda Almatyda ótetin kásipqoı boks keshinde qazaqtyń tanymal bylǵary qolǵap sheberi Batyr Júkembaevtyń kimmen judyryqtasatyny belgili boldy.
31 jastaǵy boksshy kásipqoı rıngte 2015 jyldan beri kúsh synasyp júr. Sol aralyqta 22 kezdesý ótkizip, tek bireýinde ǵana qarsylasyna ese jiberdi. 16 qarsylasyn esinen tandyrdy. B.Júkembaev jekpe-jekteriniń denin Kanadada ótkizdi. Barlyq básekede basymdyq tanytyp, ekinshi dárejeli túrli belbeýdi ıelendi. 2021 jyldyń 29 mamyrynda qandasymyz AQSh-tyń Kalıfornııa shtatyndaǵy Karson qalasynda kýbalyq Sabrıel Matıaspen judyryqtasty. Eger sol kezdesýde Batyr jeńiske jetkende, IBF nusqasy boıynsha altyn belbeýden úmitkerler sanatyna qosylatyn edi. Biraq bul báseke Bostandyq araly ókiliniń jeńisimen aıaqtaldy. Segizinshi raýndtan keıin Júkembaev jekpe-jekti jalǵastyrýdan bas tartty.
Almatydaǵy jarysta qazaq boksshysy Holanı Mkotelımen qolǵap túıistiredi. «Jolbarys» degen janama esimge ıe Ońtústik Afrıka Respýblıkasynyń (OAR) ókili 26 ret sharshy alańǵa shyǵyp, 19 kezdesýdi óz paıdasynan sheshti. Ol 12 qarsylasyn uryp jyqqan.