23 jeltoqsanda Islamabadta Qazaqstan men Pákistannyń avıasııalyq bıligi arasynda kelisimge qol qoıyldy, dep habarlaıdy Egemen.kz.
2023 jyldyń naýryz aıynan bastap Almaty-Lahor jáne Almaty-Karachı baǵyttary boıynsha (árqaısysyna aptasyna eki reıs) tikeleı jolaýshylar reısin ashý josparlanýda.
Tikeleı reısti qazaqstandyq SCAT áýe kompanııasy Boeing 737 ushaǵymen oryndaıdy.
«Qazaqstan men Pákistan arasyndaǵy áýe qatynasynyń ashylýy elder arasyndaǵy saýda-ekonomıkalyq, ınvestısııalyq, týrıstik jáne mádenı yntymaqtastyqtyń damýyn jedeldetedi», delingen Indýstrııa jáne ınfraqurylymdyq damý mınıstrliginiń málimdemesinde.
Azamattyq avıasııa komıteti ushý geografııasyn keńeıtý jáne halyqaralyq reıster sanyn arttyrý boıynsha jumys júrgizýde.
Aıta keteıik, 15 jeltoqsanda Qazaqstannan Seıshel araldaryna alǵash ret tikeleı áýe reısi ashylǵan edi.