Parlament Májilisiniń depýtattary palatanyń jalpy otyrysynda Nursultan Nazarbaevty «Elbasy» mártebesinen aıyrýdy kózdeıtin zań jobasyn qabyldady, dep habarlaıdy Egemen.kz.
Mundaı norma «Qazaqstan Respýblıkasynyń Tuńǵysh Prezıdenti – Elbasy týraly» Qazaqstan Respýblıkasy Konstıtýsııalyq zańynyń kúshi joıyldy dep taný týraly» zań jobasynda qamtylǵan.
Ony Májilistiń zańnama jáne sot-quqyqtyq reforma komıtetiniń tóraǵasy Arman Qojahmetov tanystyrdy. Ol bul joba referendýmda qabyldanǵan Konstıtýsııaǵa engizilgen túzetýlerdi oryndaý maqsatynda ázirlengenin málimdedi.
«Bul zań jobasy respýblıkalyq referendým qorytyndysy boıynsha el Konstıtýsııasyna engizilgen ózgeristerdi iske asyrý maqsatynda ázirlendi. Atap aıtqanda, 2022 jylǵy 8 maýsymdaǵy zańmen Konstıtýsııaǵa engizilgen túzetýlerge sáıkes 46-baptyń 4-tarmaǵy alynyp tastaldy. Osyǵan baılanysty, zań jobasynda Konstıtýsııalyq zańnyń kúshin joǵaltý kózdeledi. Zań jobasyn jumysqa qabyldaýdy usynamyn, qoldaýyńyzdy suraımyn», dedi Arman Qojahmetov otyrys barysynda.