Memleket basshysy Qasym-Jomart Toqaevtyń Ulttyq qoǵamdyq senim keńesinde bergen tapsyrmasyna sáıkes Oqý aǵartý mınıstrligi «Oqýǵa qushtar mektep» jobasyn bekitkeni belgili. Osyǵan oraı Túrkistan oblysy Jetisaı aýdany №49 «Syrdarııa» orta mektebinde 7-10 synyp oqýshylary arasynda ótken saıys osy joba sheńberinde uıymdastyryldy, dep jazady Egemen.kz.
Saıystyń alǵashqy kezeńi pán baǵdarlamalary, onyń ishinde jaratylystaný baǵytyndaǵy pán baǵdarlamalary boıynsha ótse, ekinshisi elimizdiń úzdik klassıkteriniń kitaptary, ana tiline aýdarylǵan sheteldik álem ádebıetiniń jaýharlary, sonymen birge qazirgi zamanǵy aqyn-jazýshylardyń shyǵarmalary, uly Abaıdyń qara sózderi saralandy.
Alǵashqy kezeńnen top jaryp, ekinshi kezeńge joldama alǵan oqýshylar Abaı shyǵarmalarynan, qazaq jazýshylarynyń shyǵarmalarynan úzindi oqydy, kórkemdik ıdeıasy boıynsha saraptamalyq taldaý jumystaryn daıyndady.
Mektep dırektory Gúljazıra Erimbetova, mektep dırektory oqý isi jónindegi orynbasary Saparkúl Aýelbekova, mektep kitaphana meńgerýshisi Kúlásh Ahanovalar saıystyń joǵarǵy deńgeıde ótýine atsalysty.
Saıys qortyndysy boıynsha 1-shi oryn 8-synyp oqýshysy Bekaıym Ábdimanapqa, 2-shi oryn 8-synyp oqýshysy Ǵalııa Ermekbaıǵa, 3-shi oryn 8-synyp oqýshysy Mereı Serikbaıǵa berildi.