Túrkistan oblysynyń taýlarynda joǵalyp ketken 12 adam tabyldy, dep habarlaıdy Egemen.kz TJM baspasóz qyzmetine silteme jasap.
Joǵalǵan 12 adam bir otbasynyń músheleri bolyp shyqty. Olar 31 jeltoqsan kúni óz aýyldaryna ketken eken. Eki kún boıy bolǵan qatty boran saldarynan joldardyń barlyǵy jabylyp, otbasy músheleri keri qaıta almaı, sol jerde qalyp koıǵan.
Otbasy músheleri úıge oralmaǵandyqtan, 3 qańtar kúni úıde qalǵan otbasy múshesi olardy izdeý qajettigin aıtyp qutqarýshylarǵa habar bergen.
Qutqarýshylar múgedek áje men eki qyzdy Túrkistan qalasyna evakýasııalady. Ájege medısınalyq kómek qajet bolǵan jaǵdaıda, bul jerge medısına qyzmetkerleriniń jetýi qıyn bolatyn edi. Qalǵan 9 otbasy múshesi aýyldaǵy úıde qaldy. Olar evakýasııadan bas tartyp, jol ashylǵan soń úılerine oralatynyn aıtty.
Aıta keteıik, búgin Túrkistan oblysy TJD 112 pýltine Báıdibek aýdany Baıjansaı taýyna eki avto kólikpen jolǵa shyqqan adamdardyń joǵalǵany týraly habarlama túsken edi.