ELDIKTI EŃSELENDIRGEN TО́R

Keshe “Qazaqstannyń EQYU-daǵy tóraǵalyǵy: aldyn ala qorytyndylar jáne keleshegi” atty jyl saıynǵy VIII Almaty konferensııasy bolyp ótti. Qazaqstan Prezıdenti janyn­daǵy Strategııalyq zertteýler ıns­tıtýty, EQYU-nyń Astana­da­ǵy ortalyǵy jáne Ál-Farabı atyndaǵy QazUÝ uıytqy bolǵan osynaý konferensııaǵa qatysý­shy­lardyń­ biraýyzdy pikiri mynadaı: EQYU tóraǵalyǵyndaǵy Qazaq­stan­nyń qyzmetin álemdik qo­ǵamdastyq joǵary baǵalaıdy. Konferensııaǵa óte bedeldi otandyq jáne sheteldik ǵalymdar men sarapshylar kelgen bolatyn. Onyń jumysyna Parlament Se­na­tynyń Halyqaralyq qatynastar, qorǵanys jáne qaýipsizdik jónin­degi komıtetiniń tóraǵasy Qýanysh Sultanov, EQYU-nyń Astanadaǵy ortalyǵy basshysynyń oryn­ba­sa­ry Jannet Kletser, Erekshe tap­syrmalar jónindegi elshi, Qazaq­stan Respýblıkasy Syrtqy ister mınıstrligi EQYU Departamenti­niń dırektory Serjan Ábdikári­mov, sondaı-aq elimizde akkre­dı­ta­sııalanǵan dıplomatııalyq kor­pýs ókilderi qatysty. – Qazaqstannyń tóraǵalyǵyn Prezıdent Nursultan Nazarbaev strategııalyq ulttyq joba retinde aıqyndady, – dep atap kórsetti Qýanysh Sultanov. – Munyń biz­diń elimizdiń búgini men bolashaǵy úshin mańyzy zor. Sonymen birge, bizdiń qurmetti mıssııamyz EQYU-nyń ózi úshin de mańyzdy bolsa kerek. Shynynda da, senator aıtsa aıt­qandaı, respýblıkamyz osy halyqaralyq Uıymnyń qyzmetine súbeli úles qosýda, jańashyldyq ta­nytýda. EQYU-nyń barlyq baǵyttary boıynsha júıeli jumys júrgizilip, kóńildegideı nátı­je­ler­ge qol jetkizilýde. Uıym tir­shiligine jańa serpin berilgendigin búkil álem baıqady. Konferensııada AQSh-tyń Qazaqstandaǵy Tótenshe jáne óki­letti elshisi  Rıchard Hoýglandtyń bizdiń respýblıkamyzdyń EQYU tóraǵalyǵy rólinde ózin aıtar­lyq­taı jaqsy  qyrynan tanyt­qan­dyǵy jónindegi pikiri keltirildi. Mysaly, ol Qyrǵyzstandaǵy saıa­sı daǵdarysty sheshýde negizgi ról­di atqardy. Bizdiń elimizdiń beı­bitshilik pen qaýipsizdikti nyǵaı­týdaǵy bastamalary – Eýrazııa qurlyǵynda ǵana emes, búkil Jer shary aýqymynda da moıyndalǵan qubylys. Solardyń qatarynda ıadrolyq qaterdi taratpaýdy, ult­aralyq jáne dinaralyq únqaty­sý­lardy damytý úshin jaǵdaı jasa­lýyn, energetıkalyq, kólik qaýip­sizdigi problemalaryn jáne Aýǵan­standaǵy ahýaldy turaqtandyrý máselelerin sheshýge kómektesýdi ataýǵa bolar edi. Salıqaly forýmda Jannet Kletser bylaı dep málimdedi: – EQYU Qazaqstan tóraǵa­ly­ǵy­men ózin Eýro-Atlantıka jáne Eýrazııa óńirlerindegi qatysýshy elderdiń birlesken, ǵalamdyq aýqymdaǵy jáne birtutas qaýip­sizdigin qamtamasyz etý tájirı­besin engizýge ázir ári qabiletti qýat­ty únqatysý tuǵyry retinde tanytyp otyr. Osy oraıda Qazaq­stan tóraǵa­lyǵy Uıymnyń barlyq ınstıtýt­tary­nyń ózara tyǵyz is-qımyl bir­ligin jáne olardyń múd­deli tarap­tarmen yntymaqtasty­ǵyn qamta­masyz etip otyrǵandyǵy ǵanıbet. Konferensııada elimizdiń Uıym tóraǵasy qyzmetindegi qa­jyr-qaıraty, sondaı-aq tolerant­ty­lyq, genderlik teńdik, adam saý­dasymen kúres máselelerine arnal­ǵan aldaǵy halyqaralyq is-sharalar tolyq ári egjeı-tegjeıli taldandy. Ásirese, zańnyń ústem­dik etýi, adamnyń negizgi artyqshy­lyq­tary men bostandyqtarynyń saqtalý problemalaryna erekshe kóńil bólindi. Jıynǵa qatysý­shy­lar tarapynan Prezıdent Nursul­tan Nazarbaevtyń Astanada EQYU sammıtin shaqyrý týraly bas­tamasy keń qoldaý tapty. Konferensııada Batys pen Shyǵys arasyndaǵy únqatysýdy odan ári óristetý jóninde birqatar tilekter men usynystar aıtyldy. Qazaqstan strategııalyq zertteý ınstıtýtynyń dırektory Bolat Sultanov Uıymnyń atyn Eýrazııa­daǵy qaýipsizdik pen yntymaq­tas­tyq uıymy dep ataý jónindegi oıyn ortaǵa saldy. Az ulttar is­teri jónindegi Joǵarǵy komıssar­dyń keńsesin Gaagadan Astanaǵa, Demokratııalyq ınstıtýttar jáne adam quqyǵy bıýrosynyń shtab-páterin Varshavadan, mysaly, Tbı­lısıge nemese Bishkekke kóshi­rý máselesin qaraǵan abzal bolar edi. Qalaı bolǵanda da, Qazaqstan usynyp otyrǵan EQYU-ny jańartý úderisi bıylǵy jylmen shektelmeı, bolashaqta da jalǵasa bermek. Qorǵanbek AMANJOL.