Dál osy 11 qańtardy álem halyqtary eń sypaıy kún dep ataıdy eken. Búgin ǵalamsharymyzdyń túkpir-túkpirinde dúnıejúzilik «Rahmet» kúni toılanady. Ataýly kún jylýlyq pen qaıyrymdylyq shashatyn jalǵyz táýlik emes, árıne. Adamzat bir-birine jyl on eki aı boıy meıir shýaǵyn tókse – quba-qup.
Adamdar óte jıi qoldanatyn «rahmet» sóziniń shyn mánisinde sıqyrly qasıeti bar. Jaqsy kóńil kúı syılap, bir-birimizdi qýanyshqa bóleýge yntalandyrady. Qaı elge bolsyn saıahatqa shyǵar bolsańyz, kez kelgen jolserik kitapshasynan osy sózdiń aýdarmasyn taba alasyz. Psıhologter de «rahmet» sózine erekshe mán beredi. Ol shyn júrekten aıtylsa, adamdy shattyqqa bólep, jan tynyshtyǵyn syılaıdy.
Qazaqtar asa qatty razy bolǵanda, «Táńir tóbesine tutsyn», deıdi. Al «Rahmet» sózi alǵash ret sózdikke 1586 jyly Fransııada engizilipti. Sodan beri úsh ǵasyr ótse de, «rahmet» sózi adamdardyń bir-birine degen syılastyǵyn bildiretin ádep normasy sanalady. Osy kúni aınalańyzdaǵy barsha janǵa jıi alǵys bildirińiz!