Úkimet otyrysynda Energetıka mınıstri Bolat Aqsholaqov qazaqstandyq munaıdy Germanııaǵa eksporttaý múmkindigine qatysty pikir bildirdi, dep habarlaıdy Egemen.kz.
Onyń aıtýynsha, munaıdy jylyna 1,5 mıllıon tonnaǵa deıin eksporttaý jasparda bar.
«Biz alty mıllıonǵa deıin eksporttaı alamyz, biraq Germanııanyń qajettiligi, árıne, joǵary. Bul rette ol eksportty bastaý úshin Reseıden jaýap kerek, óıtkeni munaı olardyń aýmaǵy arqyly tasymaldanady. Biz aýyzsha kelisimdi aldyq, meniń oıymsha, eshqandaı másele týyndamaıdy», dedi Bolat Aqsholaqov.
Mınıstrdiń aıtýynsha, birinshi munaı partııasy ruqsat alǵan boıda jóneltiledi jáne kólik uıymdaryna da tıisti kelisimderge qol qoıý qajet bolady.