Indýstrııa jáne ınfraqurylymdyq damý mınıstrligi mashına jasaý salasyn damytý boıynsha keshendi jospar ázirleıdi, dep habarlaıdy Egemen.kz vedomstvonyń baspasóz qyzmetine silteme jasap.
Osyǵan baılanysty Indýstrııalyq damý komıtetiniń tóraǵasy Ilııas Ospanov mashına jasaý kásiporyndarynyń ókilderimen onlaın formatta jıyn ótkizip, qujatty daıyndaý jumystaryna belsendi qatysýǵa shaqyrdy.
«Keshendi jospardy ázirleý sheńberinde salanyń qazirgi jaı-kúıine taldaý júrgizilip, túıtkildi máselelerdi anyqtaý jáne ony sheshý joldaryn tabý qarastyrylǵan. Sonymen qatar 2030 jylǵa deıin salany kezeń-kezeńimen reformalaý jáne keshendi damytýdyń negizgi tásilderine nazar aýdarý qajet», dep atap ótti Ilııas Ospanov.
Elektrotehnıkalyq jáne aýyr mashına jasaý basqarmasynyń basshysy Azamat Ahmetovtiń aıtýynsha, mashına jasaý salasyn qoldaý men damytýǵa baǵyttalǵan júıeli sharalar ázirlenedi.
«Keshendi jospardyń negizgi maqsaty - naqty óndiris kólemin ulǵaıtý, ónimniń jańa túrlerin óndirý, eksportty arttyrý jáne mashına jasaý salasyndaǵy daıyn ónim ımportyn azaıtý», dedi A. Ahmetov.
О́z kezeginde qujatty ázirleýshiler toby aldaǵy ýaqytta barlyq kásiporynmen negizgi máselelerdi talqylaıdy.